चीनले नेपालसहित १४ मुलुकलाई खोप उपलब्ध गराउने – Nepal Press

चीनले नेपालसहित १४ मुलुकलाई खोप उपलब्ध गराउने

काठमाडौं । चीनले नेपालसहितका १४ मुलुकलाई आफूले उत्पादन गरेको सिनोफार्म खोप उपलब्ध गराउने घोषणा गरेको छ ।

विदेश मन्त्रालयमा आयोजित नियमित पत्रकार सम्मेलनमा प्रवक्ता वाङ वेनविनले यस्तो जानकारी दिएका हुन् । नेपालले चीनबाट अनुदानमा ३ लाख डोज सिनोफार्म खोप प्राप्त गर्नेछ ।

खोप चाँडै वितरण गरिने प्रवक्ता सुहाङले जनाए । उनका अनुसार चीनले नेपालसहित पाकिस्तान, ब्रुनाइ, फिलिपिन्स, म्यानमार, कम्बोडिया, लाओस, श्रीलंका, मंगोलिया, प्यालेस्टाइन, बेलारुस, सियरालियोन, जिम्बाबे र गुएनालाई खोप उपलब्ध गराउने भएको छ ।

चीनले दिएको उक्त खोप नेपालको डेढलाख जनसंख्यालाई लगाउन मिल्नेछ । यो खोपले चीनमा ससर्त अनुमति पाइसकेको र जनवरी ३१ सम्म २ करोड ४० लाख मानिसलाई दिइसकेको जनाइएको छ ।

तर, नेपालले भने चिनियाँ खोपलाई अहिलेसम्म प्रयोगका लागि अनुमति दिइसकेको छैन । नेपालले अक्सफोर्डले विकास गरेको एस्ट्राजेनेकाको भारतीय खोपलाई आपतकालिन प्रयोगका लागि अनुमति दिएको छ । चीनको उक्त खोप ७५ प्रतिशत प्रभावकारी हुने दाबी गरिएको छ ।

प्रतिक्रिया

Leave a Reply

Your email address will not be published.