बास्तोलालाई हिरासतमा राख्नुको कारण २४ घण्टाभित्र पेस गर्न सर्वोच्चको आदेश – Nepal Press

बास्तोलालाई हिरासतमा राख्नुको कारण २४ घण्टाभित्र पेस गर्न सर्वोच्चको आदेश

काठमाडौं । सर्वोच्च अदालतले नेत्रविक्रम चन्द ‘विप्लव’ नेतृत्वको नेपाल कम्युनिष्ट पार्टीका नेता धर्मेन्द्र वास्तोलालाई हिरासतमा राखिराख्नुको कारणको जवाफ पेस गर्न आदेश दिएको छ ।

प्रहरी प्रधान कार्यालयलाई विपक्षी बनाई दायर भएको बन्दीप्रत्यक्षीकरणको रिटमाथि बिहीबार सुनुवाइ गर्दै न्यायाधीश मनोजकुमार शर्माको इजलासले २४ घण्टाभित्र जवाफ पेस गर्न आदेश दिएको हो । आदेशमा ‘बन्दीप्रत्यक्षीकरणको आदेश किन जारी गर्नुनपर्ने हो ?’ भनी जवाफ पेस गर्न भनिएको छ ।

नेता बास्तोलाकी पत्नी हिमा बस्तोलाले प्रहरी प्रधान कार्यालयलाई विपक्षी बनाई बन्दीप्रत्यक्षीकरणको आदेश दिन माग गर्दै सर्वोच्चमा निवेदन दिएकी थिइन् ।

२९ पुसमा ललितपुर र मकवानपुरको सिमावर्ती क्षेत्रबाट प्रहरीले बास्तोलालाई पक्राउ गरेको थियो ।

प्रतिक्रिया

Leave a Reply

Your email address will not be published.

सम्बन्धित खवर