ढुक्क हुँदै माधव नेपालले भने- घुमिफिरी मै अध्यक्ष हुन्छु (भिडियो) – Nepal Press

ढुक्क हुँदै माधव नेपालले भने- घुमिफिरी मै अध्यक्ष हुन्छु (भिडियो)

काठमाडौं । पार्टी विभाजनसम्बन्धी निर्वाचन आयोगको आइतबारको निर्णयपछि नेकपाका दुवै पक्षले आ-आफ्नो अनुकूलतमा व्याख्या गरिरहेका छन् ।

ओली पक्षले आफूहरूको जित भइरहेको बताएको छ भने प्रचण्ड-माधव पक्षले पनि आफूहरूको पक्षमा निर्णय भएको व्याख्या गरेको छ ।

सोमबार पेरिसडाँडास्थित कार्यालयमा ओजित एक कार्यक्रमा प्रचण्ड-माधव पक्षका अध्यक्ष माधवकुमार नेपाल आयोगको निर्णयप्रति उत्साहित देखिए । ठट्यौली शैलीमा प्रस्तुत भएका उनले आयोगले आफूलाई अध्यक्ष नमानेको भए पनि जित आफ्नै भएको दाबी गरे ।

‘निर्वाचन आयोगले पत्रमा लेखेको छ, ४४१ लाई आधार मान्छौं,’ नेपालले भने, ‘त्यो ४५ लाई आधार मान्छौं । दुई अध्यक्षलाई मान्छौं पनि भनेको छ । (हाँस्दै) माधव नेपाललाई मान्दिन पनि भनेको छ । तर, केही भएको छैन । कमरेड प्रचण्डलाई मान्छु भनेपछि उहाँको आधिकारिता रह्यो ।’

आयोगले नेकपाका दुवै समूहले गरेका पछिल्ला गवितिवधिलाई बैधता नदिएको भए पनि उनले केन्द्रीय कमिटीले अध्यक्ष पदबाट ओलीलाई हटाउने निर्णय नै लागू हुने तर्क गरे ।

नेपालले भने, ‘केपी ओलीलाई त हामीले हटाइसकेका छौं, केपी ओली समाप्त । केन्द्रीय कमिटीले अध्यक्ष पदबाट निकालिसकेपछि (निर्वाचन आयोगले) अधिकार छ भनेर लेखेको छ । के लेखेको छ भने अनुशासनको कारबाही गर्ने त्यही पुरानो लागू हुनेछ ।’

दुई अध्यक्ष हुने व्यवस्था पार्टीमा रहेको भन्दै नेपालले घुमिफिरी आफू पुनः अध्यक्ष हुने तर्क उनले गरे। ‘दुई अध्यक्ष हुनेछ भनेर लेखेको हुनाले घुमिफिरी म त आउने नै भएँ (हलमा हाँसो),’ उनको भनाइ थियो, ‘केपी ओलीजी केही चान्स छैन तपाईंको ।’

प्रतिक्रिया

Leave a Reply

Your email address will not be published.

सम्बन्धित खवर