राष्ट्रपतिको सपथअघि अमेरिकी राजधानीको सुरक्षा अत्यन्तै कडा – Nepal Press

राष्ट्रपतिको सपथअघि अमेरिकी राजधानीको सुरक्षा अत्यन्तै कडा

एजेन्सी । नवनिर्वाचित राष्ट्रपति जोय बाइडेन र उपराष्ट्रपति कमला हयारिसको सपथ ग्रहणको तयारी हुँदै गर्दा अमेरिकी राजधानी वासिंटन डिसीको मध्यभागमा अवस्थित संसद भवन (क्यापिटल हिल)को सुरक्षा व्यवस्था अत्यन्तै कडा बनाइएको छ । सपथ ग्रहण समारोह बुधबार हुँदैछ ।

प्रहरीका अनुसार केहि प्रत्यक्षदर्शीको सूचनाका आधारमा प्रदर्शन गर्ने प्रयासमा रहेका केहिलाई तितरवितर पारेको जनाएको छ तर उनीहरु क्यापिटल हिलबाट निकै पर थिए । राष्ट्रपतिको सपथका लागि सोमबार गरिएको ‘रिहर्सल’का क्रममा यो प्रदर्शनको प्रयास भएको थियो ।

अमेरिकाको राष्ट्रपतिमा पुनः निर्वाचित हुन असफल भएपछि धाँधलीको आरोप लगाउँदै सत्ताबाट बाहिरिन आनाकानी गरिरहेका डोनाल्ड ट्रम्प समर्थित जत्थाले जनवरी ६ मा क्यापिटल हिलमा ६ जनाको ज्यान जाने गरी आक्रमण गरेका थिए ।

राष्ट्रिय सुरक्षा जगेडा सैनिकहरु क्यापिटल हिल र मध्य डिसी क्षेत्रमा हजारौंको संख्यामा परिचालन गरिएको छ । सोमबारदेखि लागू गरिएको कडा लकडाउनपछि अधिकारीहरुले भनेका छन् कि नागरिक पूर्ण सुरक्षित छन् । कंग्रेस अधिवेशन अहिले चलेको छैन ।

गत नोभेम्बरमा भएको निर्वाचनमा डोनाल्ड ट्रम्पलाई पराजित गरी डेमोक्र्याटिक पार्टीका जोय बाइडेन राष्ट्रपति निर्वाचित भएका थिए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर