ओलीमाथि कारबाहीअघि प्रचण्ड–माधवको यस्तो स्पष्टीकरण (पत्रसहित)
![](https://www.nepalpress.com/wp-content/uploads/2020/11/nepalpress-logo-n.png)
![](https://www.nepalpress.com/wp-content/uploads/2021/01/madhav-prachanda-copy.jpg)
काठमाडौं। नेपाल कम्युनिष्ट पार्टी (प्रचण्ड–माधव पक्ष)ले प्रधानमन्त्री केपी शर्मा ओलीलाई ‘पार्टीबाट निष्कासन किन नगर्ने’ भन्दै मागेको स्पष्टीकरणको पत्र बालुवाटारको गेटमा बुझाएको छ।
पेरिसडाँडा केन्द्रीय कार्यालयका सचिव तथा प्रचण्ड–माधव समूहका केन्द्रीय सदस्य श्रीराम ढकालका अनुसार नेताहरु सुरेन्द्र पाण्डे, मुकुन्द न्यौपाने र उनी गएर प्रधानमन्त्री निवासको ३ नम्बर गेटमा पत्र छाडेका हुन्।
पत्रमा ‘पार्टी विरोधी गतिविधि गरिरहनु भएका तपाईंलाई पार्टीको सदस्यताबाट किन निष्काशन नगर्ने ?’ लेखिएको छ।
२ माघमा सकिएको प्रचण्ड–माधव पक्षको स्थायी कमिटी बैठकले ओली र महासचिव विष्णु पौडेललाई समेत कारबाहीका लागि स्ष्टीकरण सोध्ने निर्णय गरेको थियो।
पत्रमा स्पष्टीकरण पत्र प्राप्त गरेको वा निवासमा टाँसेको मितिले तीन दिनभित्र स्पष्टीकरण दिन भनिएको छ। ओलीमाथि कारबाही गर्न स्पष्टीकरण सोधेर प्रक्रिया मात्रै पुर्याउन खोजिएको एक नेताले जानकारी दिए ।