प्रेमगीतको तेस्रो सिक्वेल रिलिज पोस्टपोन्ड, निर्देशक भन्छन् : सबै फिल्म हल खुलेमात्र रिलिज गर्छौ – Nepal Press

प्रेमगीतको तेस्रो सिक्वेल रिलिज पोस्टपोन्ड, निर्देशक भन्छन् : सबै फिल्म हल खुलेमात्र रिलिज गर्छौ

काठमाडौं । प्रदीप खड्का स्टारर प्रतीक्षित नेपाली रोमान्टिक ड्रामा ‘प्रेमगीत ३’को पूर्वानिर्धारित रिलिज मिति पोस्टपोन्ड भएको छ । निर्माता एवं निर्देशक सन्तोष सेनले नेपाली नयाँवर्षमा फिल्म प्रदर्शन नहुने कुराको पुष्टि गरे ।

सामाजिक संजालमा उनी लेख्छन् –जनजीवन सामान्य हुँदै गएसँगै, चलचित्र घरहरु खुलेसँगै, मनोरञ्जनको पुरा संगालो, निषेधित प्रेमकथा ‘प्रेमगीत ३’ एउटा ठूलो प्रस्तुतिसहित चाँडै त्यो दिन, त्यो कुरा घोषणा गर्नेछौं ।’

नेपाली नयाँवर्षमा रिलिज हुने घोषणासहित फिल्मले लकडाउनअघि नै टीजर एवं पोस्टर लन्च गरेको थियो । अहिले मुम्बइमा फिल्मको पोस्टप्रोडक्सन भैरहको छ ।

नेपाल प्रेससँग कुरा गर्दै उपयुक्त समयमा फिल्मको मिति घोषणा गरिने बताए । नेपाली दर्शकमाझ प्रेमगीतको सिरिजको तेस्रो सिक्वेलको प्रतिक्षा छ । यसपटक हिमाली थलोको प्रेमकथालाई फिल्ममा चित्रण गरिएको छ । आसुसेन फिल्मसले प्रोजेक्ट निर्माण गरेको हो ।

सरकारले फिल्म हल संचालन फुकुवा गरेपनि केही हलमात्र संचालनमा आएका छन् र अकुपेन्सीलाई ५० प्रतिशतमा सीमित गरिएको छ । १० प्रतिशत फिल्म हल सँधैको लागि बन्द हुने चलचित्र संघको तथ्यांक छ । हल खुलेपनि लगभग जिरो अकुपेन्सीमै फिल्म चलिरहेका छन् ।

प्रतिक्रिया

Leave a Reply

Your email address will not be published.