प्रचण्डलाई ओलीको जवाफ–अदालत र निर्वाचन आयोगको हुर्मत नलेऊ (भिडियो) – Nepal Press

प्रचण्डलाई ओलीको जवाफ–अदालत र निर्वाचन आयोगको हुर्मत नलेऊ (भिडियो)

काठमाडौं । प्रधानमन्त्री केपी शर्मा ओलीले प्रचण्ड–माधव नेपाल समूह सर्बोच्च अदालत र निर्वाचत आयोगको हुर्मत लिने काममा लागेको आरोप लगाएका छन् ।

अखिल नेपाल महिला संघको केन्द्रीय कमिटी बैठकको समापनमा बोल्दै प्रधानमन्त्री तथा नेकपा अध्यक्ष ओलीले न्यायाधीशलाई प्रधानमन्त्रीले भेटेको अफवाह फैलाएर स्वतन्त्र न्यायपालिकामाथि प्रचण्ड समूहले आक्रमण गरेको बताए ।

ओलीले निर्वाचन आयोगमा सूर्य चिन्ह चाहियो भन्दै गएको अनाधिकृत समूहले चुनावी कार्यक्रम अघि नबढाउन धम्की दिएर अलोकतान्त्रिक काम गरेको बताए । प्रतिनिसभा विघटन भइसकेको अवस्थामा निर्वाचन आयोगलाई निर्वाचन प्रक्रियाबाट रोक्न खोज्नु देशलाई अलोकतान्त्रिक बाटोमा लैजान खोजेको बताए ।

ओलीले राष्ट्रपतिको भूमिकामाथि प्रश्न उठाइएकोमा समेत आपत्ति जनाए । प्रधानमन्त्रीले गरेको सिफारिसमा तोक लगाउनु राष्ट्रपतिका संवैधानिक कर्तव्य हो भन्दै त्यसमा कुनै त्रुटी भए आफूले जवाफ दिने बताए ।

ओलीले भने–प्रश्न छ भने मलाई गरे हुन्छ, म हरेक प्रश्नको जवाफ दिन र जवाफदेहीता लिन तयार छु । आइतबारै सोही समयमा नेकपाका अर्का अध्यक्ष प्रचण्डले अदालत र निर्वाचन आयोगमा सेटिङको शंका गरेकै बेला ओलीको यस्तो जवाफ आएको हो ।

प्रतिक्रिया

Leave a Reply

Your email address will not be published.

सम्बन्धित खवर