एपिएफविरुद्ध टस जितेर फिल्डिङ गर्ने प्रदेश १ को निर्णय – Nepal Press

एपिएफविरुद्ध टस जितेर फिल्डिङ गर्ने प्रदेश १ को निर्णय

काठमाडौं । प्रधानमन्त्री कप राष्ट्रिय एकदिवशीय क्रिकेट प्रतियोगिताको दोस्रो खेलमा विभागीय टोली सशस्त्र प्रहरी बलको एपिएफविरुद्ध प्रदेश १ ले टस जितेर फिल्डिङ रोजेको छ ।

त्रिवि क्रिकेट मैदान कीर्तिपुरमा केही बेरमा सुरु हुने खेलमा दुवै टोली जित हासिल गर्दै प्रतियोगिताको सुखद् सुरुआत गर्न चाहन्छन् ।

शुक्रबार भएको उद्घाटन खेलमा समूह ‘ए’ बाट विभागीय टोली त्रिभुवन आर्मीले गण्डकी प्रदेशमाथि ९८ रनको जित हासिल गरेको थियो ।

१७ दिनसम्म चल्ने प्रतियोगितामा ७ प्रदेश र ३ विभागीय टोलीको सहभागिता छ । प्रतियोगिता त्रिवि मैदान र मूलपानी क्रिकेट मैदानमा आयोजना हुनेछ ।

कोरोना महामारीपछि नेपाल क्रिकेट संघले अघिल्लो महिना दाङको लमहीमा प्रधानमन्त्री कप राष्ट्रिय महिला क्रिकेट प्रतियोगिता सन्चालन गरेको थियो । पुरुषहरुको प्रतियोगिता पहिलोपल्ट आयोजना गरिएको हो ।


प्रतिक्रिया

Leave a Reply

Your email address will not be published. Required fields are marked *