कृषि क्षेत्रमा विदेशी लगानी भित्र्याउने निर्णय रद्ध गर्न प्रचण्ड–माधव पक्षको माग – Nepal Press

कृषि क्षेत्रमा विदेशी लगानी भित्र्याउने निर्णय रद्ध गर्न प्रचण्ड–माधव पक्षको माग

काठमाडौं । नेपाल कम्युनिष्ट पार्टी (प्रचण्ड–माधव पक्ष)ले कृषि क्षेत्रमा विदेशी लगानी भित्र्याउने निर्णय रद्ध गर्न सरकार समक्ष माग गरेको छ।

शुक्रबार सकिएको स्थायी कमिटी बैठकले दुरासयकासाथ विदेशी लगानी भित्र्याउने निर्णय गरेको भन्दै यो निर्णय रद्ध गर्न माग गरेको हो।

‘नेपालको कृषि क्षेत्रमा सहकारी, सामुदायिक र निजी क्षेत्रबाट लामो समयदेखि हुँदै आएको लगानीको फलस्वरुप कतिपय क्षेत्रमा देश आत्म निर्भरताको बाटोमा समेत अग्रसर भइरहेको अवस्थामा कृषि क्षेत्रलाई समेत विदेशीहरुको खुला मैदान बनाइ उनीहरुलाई पोस्ने दुराशयकासाथ नेपाल सरकारले कृषि क्षेत्रमा विदेशी लगानी भित्र्याउने भनि गरिएको निर्णयको यो बैठक विरोध गर्दछ,’ बैठका निर्णय सुनाउँदै नेता भीम रावलले भने, ‘राष्ट्रहित विरोधी निर्णय रद्ध गर्न यो बैठक माग गर्दछ।’

सरकारले हालै विदेशीलाई समेत कृषि क्षेत्रमा लगानी खुल्ला गर्ने निर्णय गरेको थियो।

प्रतिक्रिया

Leave a Reply

Your email address will not be published. Required fields are marked *