यस्तो छ प्रतिनिधिसभा विघटन गर्ने सरकारको निर्णयको सक्कल प्रति ( पूर्णपाठसहित ) – Nepal Press

यस्तो छ प्रतिनिधिसभा विघटन गर्ने सरकारको निर्णयको सक्कल प्रति ( पूर्णपाठसहित )

काठमाडौं । सरकारले प्रतिनिधिसभा विघटनका लागि गरेको सिफारिसको सक्कल प्रति सर्वाेच्च अदालत परिसरमा विपक्षी वकिलले सार्वजनिक गरेका छन् । जसमा विभिन्न कामका लागि दुई तिहाई बहुमतको सरकार आवश्यक भएकाले प्रतिनिधिसभा विघटन गरी नयाँ जनादेशमा जाने निर्णय गर्नुपरेको उल्लेख छ ।

रिट निवेदक पक्षले मन्त्रिपरिषद् कार्यालयले सक्कल प्रति सर्वाेच्च अदालतबाट फिर्ता लगेर नफर्काएकोमा इजलास समक्ष उठाएका छन् । पुस २३ गते प्रधानममन्त्री तथा मन्त्रिपरिषद्को कार्यालयले सक्कल प्रति फिर्ता लगेको थियो ।

सरकारले प्रतिनिधिसभा विघटनको सिफारिस गर्नुपर्ने कारण खुलाउँदै जनता र राष्ट्रको सर्वाधिक महत्व र प्राथमिकताको विषयलाई बेवास्ता गरी निहीत स्वार्थ, व्यक्तिगत कुण्ठा, आग्रह र पूर्वाग्रहलाई केन्द्रमा राखी अनेक तरहले सरकारमाथि निरन्तर प्रहार भइरहेकाले सरकारले कामै गर्न नसक्ने स्थिति बनेपछि यो कदम चाल्नुपरेको निर्णयमा उल्लेख छ ।

त्यस्तै स्वतन्त्र न्यायपालिकामाथि गम्भीर प्रहार गरी स्वतन्त्र न्यायपालिकाप्रतिको जनविश्वासमा विचलन ल्याई अराजकता सिर्जना गर्न खोज्ने र अख्तियार लगायत संवैधानिक अंगहरुमाथि नियोजित प्रहार गर्ने तथा छिमेकी लगायत अन्तर्राष्ट्रिय समुदायसँगको सम्बन्ध, साझेदारी र विकास सहायता परिचालनमा प्रतिकुल असर पर्ने गरि अभिव्यक्ति दिने कार्य भएको निर्णयमा उल्लेख छ ।

सरकारले विघटनको सिफारिस गर्नुको कारण र दुई तिहाई बहुमतको आवश्यकता दर्शाएर गरेको निर्णयको प्रति हेर्नुहोस् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर