संसद विघटनको विषयका लागि संवैधानिक इजलास नै ठीक : सुरेन्द्र भण्डारी – Nepal Press

संसद विघटनको विषयका लागि संवैधानिक इजलास नै ठीक : सुरेन्द्र भण्डारी

काठमाडौं । वरिष्ठ अधिवक्ता सुरेन्द्र भण्डारीले प्रतिनिधिसभा विघटनको विषय गम्भीर संवैधानिक महत्वको विषय भएकाले संवैधानिक इजलासमै छलफल हुनुपर्ने तर्क गरेका छन् ।

सरकारको विपक्षमा बहस गरिरहेका संविधानविद् र अधिवक्ताहरुले बृहत पूर्ण इजलास गठन हुनुपर्ने माग गरिरहेका बेला भण्डारीले भने संवैधानिक इलाजसमै जोड दिएका हुन् ।

भण्डारीले सरकारको तर्फबाट बहस गरिरहेका छन् । ‘संवैधानिक इजलास सबैभन्दा उच्चस्तरीय इजलास हो,’ शुक्रबार बहसमा भाग लिँदै उनले भने, ‘इजलासमा ११ जना कि ५ जना भन्ने सवाल होइन । संख्याको आधारमा हेरेर हुँदैन ।’

यसमा विगतका अभ्यास र अन्तर्राष्ट्रिय उदाहरण पनि हेर्नुपर्ने उनको भनाइ छ । भण्डारी भन्छन्- विगतका अभ्यास, अन्तर्राष्ट्रिय उदाहरण र हाम्रै संविधानको व्यवस्था अनुसार संसद विघटनको विषय गम्भीर संवैधानिक महत्त्वको भएकाले संवैधानिक इजलास नै उपयुक्त हो ।’

अर्का अधिवक्ता बिजय मिश्रले संवैधानिक इजलास आफैंमा बृहत् पूर्ण इजलास भएको तर्क गरे । ‘इजलासको क्षेत्राधिकारबारे बहस गरेर निवेदकहरूले यो बिषय पहिले नै टुंगोमा पुर्‍याउनुपर्छ भन्नु उपयुक्त भएन श्रीमान्,’ उनको भनाइ छ, ‘संवैधानिक इजलासमा विषय ‘इन’ भइसकेपछि ‘आउट’ हुन सक्दैन । संवैधानिक इजलास आफैंमा बृहत् पूर्ण इजलास हो श्रीमान् ।’


प्रतिक्रिया

Leave a Reply

Your email address will not be published. Required fields are marked *

सम्बन्धित खवर