गुरुङ फिल्म अब सिनेमा घरमै रिलिज हुने, एकैसाथ १५ फिल्म रिलिज लाइनअप घोषणा – Nepal Press

गुरुङ फिल्म अब सिनेमा घरमै रिलिज हुने, एकैसाथ १५ फिल्म रिलिज लाइनअप घोषणा

पोखरा । कोभिड–१९ महामारीको सकारात्मक प्रभाव गुरुङ फिल्म उद्योगमा देखिएको छ । नेपाली भाषाको मूलधारलाई चुनौति दिने गरि अबदेखि गुरुङ फिल्म सिनेमा घरमै प्रदर्शन हुने भएका छन् । गुरुङ फिल्म एसोसिएसन (जिफान)ले हलमा रिलिज हुने १५ फिल्मको लाइनअप घोषणा गरेको छ ।

विहिबार बसेको जिफान बैठकले सबै फिल्मलाई पोखराको मल्टिप्लेक्स मिडटाउन सिनेमाज्मा रिलिज गर्ने निर्णय गरेको हो । नेपाल प्रेससँग कुरा गर्दै अध्यक्ष भोजबहादुर गुरुङले अबदेखि गुरुङ फिल्म मेनस्ट्रिमजस्तै हलमा रिलिज हुने बताए । ‘अबदेखि गुरुङ फिल्म पार्टी प्यालेस, होटल र बैठक कोठामा देखाइने युगको अन्त्य भएको छ’ उनले भने, ‘अब हामीले सरकारको कानुन र कोभिड प्रोटोकल पालना गर्दै हलमा फिल्म रिलिज गर्छौं ।’

सबै फिल्म एक–एक साताको फरकमा रिलिज हुने भएका छन् । रिलिज हुने फिल्मको प्रदर्शन मिति समेत घोषणा गरिएको छ । आन्तरिक बजारको खोजी गर्ने उद्देश्यले जिफानले फिल्मलाई हलमै लगाउन लागेको हो । गुरुङ समुदायको घनावस्ती रहेको पोखरा नेपाली फिल्मको दोस्रो ठूलो बजार समेत हो । हलमा रिलिज गर्दा गैरगुरुङ दर्शकले पनि हेर्न पाउने विश्वास जिफानले लिएको छ । माघ २४ गतेदेखि गुरुङ फिल्म रिलिज हुनेछन् ।

रिलिज हुने फिल्ममा ङ्हेल्स्यो (सैंना), सबन मु ( सन्चै छौ), शिरसुब्बा (शिरसुब्बा), मिं न्होर्बे ट (आँखा भित्रको फुल), मैरिमो (सम्झिरहने छु), युम्पो देउराली (ढुंगे देउराली), स्युरु (काँचो धागो), कर्म क्याँ (भाग्यको बाटो), रिजे नाँसा (रिजेको गाउँ), सिमि नाँसा (स्वर्गको गाउँ), युके सुईटर (युके सुईटर), आम्लेबा माया (नबिर्सिने माया), प्रे-सोना (संगै बाचौं), अम्बो सलि (साली भेना), मुरबै मुसारा (आकाशको तारा), म्ले क्यु (बिर्साउने पानी), मारा क्यु (सुन पानी), मनको बाबरी (मनको बाबरी), डर्टी पोखरा (डर्टी पोखरा), ङोल्स्यो माया (सोल्टिनि माया), टुकि (टुकि), तमुस्यो (गुरुङ्सेनी), पेवा (पेवा), सम्बन्धको डोरी (सम्बन्धको डोरी), तिमी नभए (तिमी नभए), मुई (पैसा)छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ