कांग्रेस उपसभापति निधि भन्छन्– चुनावपछि मात्रै पार्टीको महाधिवेशन – Nepal Press

कांग्रेस उपसभापति निधि भन्छन्– चुनावपछि मात्रै पार्टीको महाधिवेशन

जनकपुर । कांग्रेस उपसभापति विमलेन्द्र निधिले वैशाखमा घोषणा गरिएको प्रतिनिधिसभा चुनावपछि मात्रै पार्टीको महाधिवेशन हुने बताएका छन् । सर्वोच्च अदालतले संसद विघटनको पक्षमा फैसला गरे निर्वाचनमा जानुको विकल्प नभएको भन्दै उपसभापति निधिले चुनावपछि मात्रै पार्टीको महाधिवेशन हुने बताएका हुन् ।

उनले भने– संसद पुनःस्थापना नभए चुनावमा भाग लिएर महाधिवेशनको तयारीमा लाग्नु पर्छ । कांग्रेस आगामी फागुन ७ देखि १० सम्म अधिवेशनको मिति तोकेको छ ।

उनले सरकारले संसद विघटन गर्नु गलत भए पनि अब तोकिएकै मितिमा चुनाव हुनुपर्नेमा जोड दिएका छन् ।

जनकपुरमा आयोजित एक कार्यक्रममा उनले भने– संसद विघटन असंवैधानिक हो, समर्थन गर्न सकिँदैन । तर निर्वाचन संवैधानिक व्यवस्था हो । प्रतिनिधिसभा देशलाई चाहिन्छ । त्यसैले लोकतन्त्रमाथि विश्वास गर्ने कांग्रेस निर्वाचनमा जान्छ ।

अदालतबाट संसद विघटन सदर भएर पनि सरकारले चुनाव नगराए आन्दोलनमा जानुपर्ने उनको भनाइ थियो । उनले संघीयता र गणतन्त्रको रक्षासँगै समृद्धिको मुद्दा लिएर कांग्रेस चुनावमा सहभागी हुने बताए ।

प्रतिक्रिया

Leave a Reply

Your email address will not be published.