आर्नोल्डले भने –ट्रम्प इतिहासकै खराब राष्ट्रपति, हलिउड उनीविरुद्ध उभिनुपर्छ – Nepal Press

आर्नोल्डले भने –ट्रम्प इतिहासकै खराब राष्ट्रपति, हलिउड उनीविरुद्ध उभिनुपर्छ

हलिउड अभिनेता एवं क्यालिफोर्नियाका पूर्वगर्भनर आर्नोल्ड स्वार्जनेगरले डोनाल्ड ट्रम्प इतिहासकै खराब राष्ट्रपति भएको टिप्पणी गरेका छन् । एक भिडियो सन्देश जारी गर्दै उनले सबै अमेरिकीले जो बाइडेनलाई नयाँ अमेरिका निर्माणका लागि सहयोग गर्नुपर्ने बताए ।

‘हालै भएको एउटा नाटकबाट हामी सबैले आफूलाई मुक्त गर्नुपर्छ’ अमेरिकी संसद भवन क्यापिटल हिलमा डोनाल्ड ट्रम्प समर्थकले हालै गरेको तोडफोडको घटनाप्रति संकेत गर्दै हलिउड अभिनेताले भने, ‘हामी अब एकताबद्ध हुनुपर्छ । कुनै डेमोक्र्याट वा रिपब्लिकनको रुपमा हैन ।’ दोस्रो विश्वयुद्धपछि अष्ट्रियामा मौलाएको झूठ र असहिष्णुतामा आफ्नो बाल्यकाल बितेको स्मरण पनि उनले गरे ।

उनले क्यापिटल हिल आक्रमणलाई हिटलरको नाजी सेनाले यहुदी समुदायमाथि गरेको आक्रमणको रुपमा व्याख्या गरे । उक्त आक्रमण अमेरिकी आधारभूत मूल्य र मान्यताविरुद्ध भएको समेत आर्नोल्डको भनाइ छ । दोस्रो विश्वयुद्धको दौरान नाजी पार्टीको सदस्यको रुपमा आफ्ना पिता रहेको र उनको भूमिकालाई आफूले नजिकबाट नियालेको आर्नोल्डले उल्लेख गरेका छन् ।

कुनैबेला रिपब्लिकन सांसद समेत रहेका आर्नोल्ड भन्छन् –राष्ट्रपति ट्रम्पले चुनावी नतिजालाई उल्ट्याउन खोजेका छन् । उनले आफ्ना झूठको सहाराद्धारा नागरिकलाई गलतरुपमले निर्देशित गरिरहेका छन् । राष्ट्रपति ट्रम्प असफल नेता हुन् । मेरा पिता र म समेत झूठले गाइडेड थियौं । मलाई थाहा छ सत्य कहाँ लुकेको हुन्छ ।’

आर्नोल्डसहित हलिउड सेलेना गोमेज, मार्क रफेलोसहितका हलिउडका अन्य कलाकार समेत ट्रम्पविरुद्ध उत्रिएका छन् । फेसबुक, ट्वीटर र इन्स्टाग्रामले त अनिश्चितकालसम्म ट्रम्पलाई आफ्नो प्लेटफर्मबाट निलम्बित गरिसकेका छन् ।


प्रतिक्रिया

Leave a Reply

Your email address will not be published. Required fields are marked *