सरुवा माग्दै गुर्भाकोटका एक शिक्षकद्वारा आमरण अनशन शुरु – Nepal Press

सरुवा माग्दै गुर्भाकोटका एक शिक्षकद्वारा आमरण अनशन शुरु

सुर्खेत । एक जना शिक्षकले आफ्नो सरुवा माग्दै आइतबार देखि आमरण अनसनमा बसेका छन् ।

पुर्वी सुर्खेतको गुर्भाकोट नगरपालिका वडा नम्बर ११ स्थित नेपाल राष्ट्रिय आधारभूत विद्यालय भित्रीखोलामा प्राथमिक तह तृतीय श्रेणीमा कार्यरत स्थायी शिक्षक उत्तम बिकले नगर शिक्षा शाखा गुर्भाकोटमा आज देखि आमरण अनसन सुरु गरेका हुन् । न्यून दृष्टिविहिन भएका उपेन्द्र अपांगता शिक्षक हुन् ।

किन गरे अनसन शुरु
उनको घर गुर्भाकोट नगरपालिकाको वडा नं. ९ सिमघाटमा पर्छ । आँखा असाध्यै कम देख्ने भएका कारण उनी विद्यालय आउन तीन घण्टा खर्चनुपर्ने बाध्यता छ । मेरो आँखा अत्यन्तै कमजोर छ । मेरो आँखामा अहिलेपनि थप समस्या आइरहेको छ । तीन घण्टा पैदल हिडनुपर्ने, यातायातका साधन नभएका कारण नगरपालिकासँग बारम्बार मैले मेरो घरपायक पर्ने स्थानमा सरुवा मिलाईदिन लिखित र मौखिक आग्रह गरेको थिएँ । नेपालप्रेससँग कुरा गर्दै उपेन्द्रले गुनासो गरे, तर तीन पटकको लिखित निवेदन, पटक-पटकको मौखिक आग्रहलाई नगर शिक्षा समितिले लत्याई दिएको छ । त्यहि कारण बाध्य भएर म अनशन बसेको हो ।

उनले नेपाल सरकारको शिक्षा नियमावली २०५९ को नियम ९९ मा अपांगता भएकालाई घरपायक सरुवा गर्ने व्यवस्था गरेको बताए । आफूले सोही नियममा टेकेर बारम्बार नगरपालिकामा हार गुहार गर्दा पनि एक जनाको मात्रै दरवन्दी मिलान गर्न नसकिने जवाफ पाउनु परेको गुनासो गर्दै अन्तिम विकल्पको रुपमा आमरण अनशन रोजेको बताए ।

२०७१ साल भदौ १५ गते स्थायी शिक्षकको रुपमा नियुक्त भएको बताउँदै उनले आज केहि घण्टा अनशन बसेको र सोमबार निर्णय गर्ने आश्वासन नगरपालिकाबाट पाएको बताए । उहाँहरुले मागबारे आवश्यक निर्णय गर्छौ भन्नु भएको छ । मेरो माग पुरा नभए भोली विहान दश बजेदेखि नगर शिक्षा कार्यालयमा नै आमरण अनशन बस्नेछु । आज प्रमुख प्रशासकीय अधिकृतका कारण अनशन स्थगित मात्रै गरेको हो ।

प्रतिक्रिया

Leave a Reply

Your email address will not be published.