काठमाडौंबाट एक घण्टाभित्र चिनियाँ नाका पुग्ने गरी काम गर्दैछौं– प्रधानमन्त्री (भिडियो)

काठमाडौं । प्रधानमन्त्री केपी शार्मा ओलीले आफ्नो सरकारले असाधरण र ऐतिहासिक ढंगलले काम गरेको दावी गरेका छन्। उनले यसरी यसअघि कहिल्यै काम नभएको बताए।

‘असारधण ढंगले काम भएको छ, ऐतिहासिक ढंगले काम भएको छ,’ आइतबार राष्ट्रियसभालाई सम्बोधन गर्दै ओलीले भने, ‘ यसअघि यसरी कहिले पनि काम भएको थिएन ।’

उनले विकास निर्माणका धेरै काममा सरकार अघि बढेको बताए । ‘विकास निर्माणका काम धेरै हुँदै छन्,’ ओलीको भनाइ छ, ‘सुरुङमार्फत् एक घण्टाभित्र हामी चिनियाँ नाका जान्छौं । महाकाली करिडोरको काम भइसकेको छ । झोलेङ्गे पुलले तुइन विस्थापन गर्ने काम भएको छ ।’

यसले विरोधीलाई असह्य भएको बताए। उनले भने, ‘सरकारले यस्ता धेरे काम गरेपछ के भनेर होच्याउने छोला ? भिजनलाई के भनेर ओझेलमा पार्ने होला भनेर केहीलाई असह्य भयो ।’

उनले पञ्चेश्वर कार्यान्वयनको काम पनि धेरै टुंगिएको बताउँदै बाँकी विषय टुंग्याउन भारतसँग कुरा भइरहेको बताए । अघिल्लो सरकारमा पनि आफूले विकास निर्माणका काम गर्दा धेरैलाई पीडा भएको बताए ।

ओलीले भने– सभाहल बनाउँछु भनेपछि, संसद भवन बनाउँछु भनेपछि, लुम्बनीको उराठ भूमीलाई बगैंचाका रुपमा प्रस्तुत गर्छु भनेपछि, अन्तर्राष्ट्रि विमानस्थल बनाउँछु भनेपछि, शहरीकरणलाई तीव्र गतिमा अगाडि बढाएपछि आत्तिएर त्यसबेला अर्कै गठबन्धनतिर हाम फाल्ने काम भएको थियो । देशले छलाङ मारेकाले असैह्य भएको थियो । र, सरकार ढालिएको थियो।