खोटाङ र मकवानपुरमा ओली पक्षले बनायो नयाँ अध्यक्ष

काठमाडौं । प्रधानमन्त्री केपी शर्मा ओली नेतृत्वको नेकपाले खोटाङ र मकवानपुरमा नयाँ नेतृत्व चयन गरेको छ । पार्टी विभाजनपछि जिल्ला अध्यक्ष प्रचण्ड–माधव नेपाल पक्षमा लागेकाले कमिटी पुनर्गठन गरिएको हो ।

नेकपाका अनुसार खोटाङ जिल्ला कमिटीको अध्यक्षमा राम दंगाल चयन भएका छन् । साबिक जिल्ला कमिटीका अध्यक्ष रामकुमार राई प्रचण्ड–माधव नेपाल पक्षमा लागेकाले उनलाई सचिव बनाइएको हो ।

राई पूर्व माओवादीका नेता हुन् भने दंगाल पूर्व एमालेका हुन् । त्यस्तै नेकपा नेता ईश्वर पोखरेलको उपस्थितिमा शनिबार भएको भेलाले मकवानपुरमा पनि जिल्ला कमिटीको नेतृत्व परिवर्तन गरिएको छ ।

पार्टी विभाजनसँगै जिल्ला अध्यक्ष मुनु सिग्देल प्रचण्ड–माधव नेपाल पक्षमा लागेपछि उनको ठाउँमा एकालाल श्रेष्ठलाई ओली पक्षले जिल्ला अध्यक्ष चयन गरेको छ ।