झुठ र घमण्डको दोस्रो नाम केपी ओली- नेता नेपाल – Nepal Press

झुठ र घमण्डको दोस्रो नाम केपी ओली- नेता नेपाल

जनकपुर । नेकपाका अध्यक्ष माधव कुमार नेपालले झुठ र घमण्डको दोस्रो नाम केपी ओली भएको बताएका छन् । सिरहाको कर्जन्हामा आयोजित किसान नेता जय गोविन्द साहको ३१ औं स्मृति सभालाई सम्बोधन गर्दै उनले ओलीलाई ठग र घमण्डीको संज्ञा दिए ।

‘पार्टी र सरकारलाई एकतन्त्रीय ढङ्गले चलाउने, अनि केही गर्न दिएन भन्ने ?’, प्रचण्ड समूहका नेकपा अध्यक्ष नेपालले भने, ‘ओलीले अरुमाथि थोपर्ने दोष सरासर झुठ हो ।’ उनले ओलीलाई कारबाही गरेकाले अब केन्द्रीय सदस्य मात्र रहेको र सूर्य चिन्ह आफ्नो भएको दावी गरे ।

उनले ओलीको नेतृत्वमा समाजवाद नआउने पक्का भएको बताए । ‘ओली पूँजीवादको बाटो समाएर अगाडी बढिसकेकाले उनको नेतृत्वमा समादवाद आउदैन’, उनले भने, ‘ओली कम्यूनिष्ट सिद्धान्त समेत छाडिसके ।’

कर्जन्हा–५ का किसान नेता साहको २०४७ पुस २५ मा भारतको जयनगरमा निधन भएको थियो । तत्कालिन पञ्चात विरोधी कम्युनिष्ट आन्दोलनमा लागेकै कारण उनको शवसमेत नेपाल दिएको थिएन । कर्जन्हामा सरकारले उनको शालिक बनाएको छ ।

प्रतिक्रिया

Leave a Reply

Your email address will not be published.

सम्बन्धित खवर