प्रचण्ड–माधव मेरो मृत्यु पर्खेर बसेका थिए, तंग्रिएपछि षड्यन्त्रमा लागे : ओली – Nepal Press

प्रचण्ड–माधव मेरो मृत्यु पर्खेर बसेका थिए, तंग्रिएपछि षड्यन्त्रमा लागे : ओली

काठमाडौं । पार्टी विभाजनपछि लगातार आक्रामक अभियानमा निस्केका प्रधानमन्त्री केपी शर्मा ओलीले प्रचण्ड र माधव नेपालले आफ्नो मृत्यु होला र पद पाउँला भनेर ढुकेर बसेको टिप्पणी गरेका छन् । ओलीले आफ्ना पूर्व सहकर्मी माधव नेपाल कोही अर्को मरेदेखि पद पाउँथे भनेर बस्ने पात्र भएको आरोप समेत लगाए ।

युवा संघले शनिवार काठमाडौंमा आयोजना गरेको भेलालाई सम्बोधन गर्दै ओलीले भने–यिनीहरुका भविष्यवाणी पुग्ने भए म उहिल्यै मरिसक्थेँ । जब म अप्रेसन गर्न जान्छु यिनीहरुको कहिल्यै उज्यालो नहुने चेहरा पनि उज्यालो हुन्थ्यो । जब म तंग्रिन्छु अनि झ्याप्प बत्ति गएजस्तै अनुहार । मरि हालेदेखि प्रधानमन्त्री र अध्यक्ष हुन्थ्यौं भन्ने थियो ।

ओलीले माधव नेपालप्रति कटाक्षा गर्दै मदन भण्डारीको मृत्युपछि आफूले माधव नेपाललाई महासचिव बनाइदिएको बताए । नेपाल कहिल्यै चुनाव जितेर नेतृत्वमा नआएको भन्दै २ ठाउँमा हारेर प्रधानमन्त्री र अध्यक्षमा हारेको भोलिपल्टदेखि अध्यक्ष चाहियो भनेर बार्गेनिङ गरेको ओलीको आरोप छ ।

भेलामा उनले भने– दुई ठाउँबाट चुनाव हारेर प्रधानमन्त्री । अर्को कोही मरे महासचिव । अर्को कसैले छाडे अध्यक्ष हुने मौका छोपेर भल छोपेर नेतृत्व हत्याउने रु महाधिवेशन सिद्धिने बित्तिकै मैसँग हारेर अध्यक्ष चाहियो उधारो होइन हाताहाती भन्न थाले । महाधिवेशनसम्म पर्ख न त भन्यो होइन हाताहाती चाहियो भन्ने ।

ओलीले प्रचण्डमाथि टिप्पणी गर्दै दोस्रो अध्यक्ष दिएपछि आफैं पहिलो अध्यक्ष जसरी हिड्न थालेपछि कार्यकारी जिम्मेवारी खोसेको बताए ।

प्रतिक्रिया

Leave a Reply

Your email address will not be published.

सम्बन्धित खवर