भोलिदेखि जापानमा संकटकाल, ७० प्रतिशतले रोजगारी गुमाउने – Nepal Press

भोलिदेखि जापानमा संकटकाल, ७० प्रतिशतले रोजगारी गुमाउने

कोरोनाभाइरस संक्रमण दर उच्च भएपछि जापानी प्रधानमन्त्री यासिहिदे सुगाले राष्ट्रिय संकटकालको घोषणा गरेका छन् । शुक्रबारदेखि लागु हुने संकटकाल राजधानी टोक्योसहित चिवा, सैतामा र कानागावामा लगाइने भएको छ । संकटकाल समयमा मानवीय आवागमनमा कडाइ गरिने भएको छ ।

प्रधानमन्त्री सुगाले आफ्ना कर्मचारीलाई घरबाटै काम गर्ने व्यवस्था मिलाउन र ७० प्रतिशतले कामदार कटौती गर्न रोजगारदातालाई आदेश दिएका छन् । यो निर्देशनपछि जापानमा रहेका नेपालीले पनि उच्च संख्यामा रोजगार गुमाउने अनुमान गरिएको छ । आपतकाल लागु हुने क्षेत्रका बासिन्दालाई अनावश्यक हिँड्डुल गर्न पनि भनिएको छ ।

बेलुका ८ बजेदेखि नै रेष्टुरेन्ट बन्द गर्नुपर्ने भएकाले आतिथ्यता सम्बन्धी सेवा व्यवसाय प्रभावित हुने देखिएको छ । खेलसम्बन्धी गतिविधिलाई दर्शकको न्यून उपस्थितीमा खेलाउन भनिएको छ । सेवा समय कटौती गर्न भनिएका रेष्टुरेन्टलाई सरकारले १७ हजार ४०० अमेरिकी डलरको राहत पनि व्यवस्था गर्ने भएको छ । नियममा कडाइ गरिने भएपनि स्कुल भने खुलै हुने भएका छन् ।

संकटकालका बाबजुद आगामी जुलाइमा हुने भनिएको ओलम्पिक र प्यारा ओलम्पिक निश्चित समयमै हुनेमा प्रधानमन्त्रीले जोड दिए । जापानको पहिलो राष्ट्रिय संकटकालचाहिँ गत स्प्रिङमा गरिएको थियो । भाइरस संक्रमण उच्च भएपछि सरकारले आपतकाल लागु गर्न लागेको हो । बुधबार मात्र जापानमा ५,९५३ कोरोनाभाइरसका संक्रमित थपिएका थिए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर