सरकारविरुद्ध नेविसंघले ‘उल्टो यात्रा’ गर्ने

काठमाडौं । प्रतिनिधिसभा विघटनविरुद्ध आन्दोलित नेपाली कांग्रेसको भ्रातृसंस्था नेपाल विद्यार्थी संघले सरकारी कदमविरुद्ध ‘उल्टो हिँडेर’ प्रदर्शन गर्ने भएको छ ।

नेविसंघ केन्द्रीय समितिले शुक्रबार सरकारविरुद्ध काठमाडौंमा ‘उल्टो हिँडेर’ प्रदर्शन गर्न लागेको हो । सरकारको कदम संविधानविपरीत भएकोले सांकेतिक रुपमा विरोध कार्यक्रम राखिएको नेविसंघले जनाएको छ ।

संविधान र लोकतन्त्रको बाटोभन्दा सरकार उल्टो हिँडेकोले सांकेतिक रुपमा विद्यार्थीहरुले ‘उल्टो हिडेर’ विरोध गर्न लागेका हौं– नेविसंघ महामन्त्री उर्मिला थपलियाले नेपाल प्रेससंग भनिन् । सो प्रदर्शनलाई पार्टीले २५ गते देशभरका प्रदेशसभा क्षेत्रमा गर्ने विरोध सभाको प्रचारात्मक आन्दोलनका रुपमा लिइएको छ ।

थपलियाका अनुसार बिहीबार एक बजे माइतीघरबाट सुरु हुने ‘उल्टो यात्रा’ बानेश्वरमा पुगेर सभामा परिणत हुनेछ ।