विरोध गर्नेलाई केपी ओलीले एक-एक गरी सिध्याउँछन्: माधव नेपाल – Nepal Press

विरोध गर्नेलाई केपी ओलीले एक-एक गरी सिध्याउँछन्: माधव नेपाल

काठमाडौं । नेपाल कम्युनिष्ट पार्टी (प्रचण्ड–माधव पक्ष)का अध्यक्ष माधवकुमार नेपालले प्रधानमन्त्री केपी ओलीले आफ्नो विचार नमान्ने सबैलाई एक/एक गरी सिध्याउने टिप्पणी गरेका छन् ।

जनता समाजवादी पार्टीले मंगलबार नयाँबानेश्वरमा आयोजना गरेको अन्तर्क्रिया कार्यक्रममा बोल्दै अध्यक्ष नेपालले यस्तो बताएका हुन् । ‘केपी ओलीले सिध्याउन अहिले पार्टीभित्रबाट सुरु गरेका छन्’ उनको भनाइ छ, ‘विरोध गर्ने अरुलाई पनि एक-एक गर्दै सिध्याउँदै जान्छन्।’

संविधान मिच्ने, निरंकुश र स्वेच्छाचारी काम गरेकाले ओलीलाई कारबाही गरिएको उनको भनाइ थियो। सम्बोधनका क्रममा उनले आफूहरु नै आधिकारिक नेकपा भएको र ओली गुटको नेता मात्रै भएको दाबी गरे।

‘उनलाई माया लागे नेकपा ओली गुट भनिदिए हुन्छ’ उनको भनाइ छ, उनलाई कम्युनिष्ट पार्टी पनि मन पर्दैन। कति दिन नेकपा रहने हो।’

प्रतिक्रिया

Leave a Reply

Your email address will not be published.

सम्बन्धित खवर