अफ्रिकामा भेटियो कोरोनाभाइरसको नयाँ प्रजाति, बेलायतको भन्दा बढी संक्रमित – Nepal Press

अफ्रिकामा भेटियो कोरोनाभाइरसको नयाँ प्रजाति, बेलायतको भन्दा बढी संक्रमित

बेलायतपछि दक्षिण अफ्रिकामा कोरोनाभाइरसको नयाँ प्रजाति भेटिएको छ । बेलायतका स्वास्थ्य सचिव ह्यानकका अनुसार अफ्रिकामा भेटिएको कोरोनाभाइरस कोभिडको नयाँ रुपान्तरित प्रजाति हो । बेलायतमा भेटिएभन्दा खतरनाक र चाँडो संक्रमण हुने भएकाले यसले कोभिड–१९ रोकथामका लागि भैरहेका प्रयासलाइ चुनौति दिने ठानिएको छ ।

अफ्रिकामा नयाँ भाइरस भेटिनुको अर्थ कोरोनाभाइरसले चाँडो चाँडो रुप परिवर्तन गरिरहेको छ भन्ने हो । बीबीसीलाई अन्तर्वार्ता दिँदै स्वास्थ्य सचिव ह्यानककले अफ्रिकादेखि बेलायत आउने अन्तराष्ट्रिय उडानमा रोक लगाउने तयारी भैरहेको बताए । अफ्रिकामा भेटिएको नयाँ भाइरसलाई हाल विकास गरिएको खोपले काम नगर्ने बताइएको छ ।

बेलायतमा अफ्रिकी स्वरुपको भाइरस द्रुत गतिमा संक्रमित भैरहेको जनाइएको छ । जसले गर्दा बेलायतले मंगलबारदेखि कडा नियमसहितको लकडाउन घोषणा गरेको छ । ‘बेलायतभन्दा अफ्रिकाको भाइरस निकै कडा र खतरनाक छ’ ह्यानककले बीबीसीलाई भने । बैज्ञानिकले अफ्रिकामा म्युटेसन भएको प्रजाति अरुभन्दा भिन्न रहेको बताएका छन् जुन स्पाइक प्रोटिनमा म्युटेसन भएर मानव कोषमा सजिलै प्रवेश गर्न सक्छ ।

अफ्रिकाको उक्त प्रजाति बेलायतसहित अन्य मुलुकमा पनि फैलिएको आशंका गरिएको छ । दक्षिण अफ्रिकाको नयाँ भाइरसलाई ५०१.भीटु नाम दिइएको छ । अहिले यो प्रजातिको भाइरस केपटाउनको पूर्वी र पश्चिमी भेगमा फैलिएको छ । बेलायत, अष्ट्रिया, नर्वे र जापानमा भाइरस पुगिसकेको छ । भाइरसको यो म्युटेसनले पहिले संक्रमित भएका व्यक्तिको एन्टीबडीले काम नगर्ने र खोपलाई छिटो छिटो परिवर्तन गर्नुपर्ने चुनौति बैज्ञानिक सामु छ ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ