सीता एक्लै जान माने प्रचण्ड भारत नजाने – Nepal Press

सीता एक्लै जान माने प्रचण्ड भारत नजाने

काठमाडौं । नेपाल कम्युनिष्ट पार्टी (प्रचण्ड–माधव पक्ष)का अध्यक्ष पुष्पकमल दाहाल ‘प्रचण्ड’ पत्नी सीता दाहाललाई उपचारका लागि सोमबार भारत लगिने भएको छ ।

केही दिनदेखि राजधानीको मेडिसिटी अस्पतालमा उपचाररत दाहाललाई भारतको मुम्बई लैजाने तयारी परिवारले गरेको छ ।

पत्नीको उपचारका लागि प्रचण्ड भारत जाने नजाने विषय भने अझै अन्याेलमै छ। प्रचण्डको निजी सचिवालयले सीता एक्लै जान मानेको खण्डमा प्रचण्ड भारत नजाने बताएको छ।

‘उहाँ (प्रचण्ड) भारत जाने/नजानेबारे अझै निश्चित भएको छैन’ उनको सचिवालयले नेपाल प्रेससँग भन्यो, ‘सीता म्याडम एक्लै जान मानेको खण्डमा प्रचण्ड जानुहुन्न। यसबारे भोलि बिहानसम्म थाहा हुन्छ।’

दाहाल सकेसम्म श्रीमानसँगै जान चाहिरहेको र उनलाई परिवारका अन्य सदस्यसहित जानका लागि मनाउने कोसिस भइरहेको छ। आइतबार बसेको स्थायी कमिटी बैठकमा प्रचण्डले पत्नीको उपचारका लागि आफू भारत जानुपर्ने अवस्था आउन सक्नेबारे जानकारी गराएका थिए।

दाहाल पार्किन्सन जस्तो देखिने प्रोग्रेसिभ सुपरान्युक्लियर पाल्सी (पी.एस.पी)बाट लामो समयदेखि पीडित छिन्।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर