बलिउड बचाउन प्रदर्शकले गुहारे सलमान, राधेलाई हलमै चलाउन आग्रह – Nepal Press

बलिउड बचाउन प्रदर्शकले गुहारे सलमान, राधेलाई हलमै चलाउन आग्रह

सलमान खानमाथि बलिउड निर्माता ठूलै आशा राख्छन् । किनभने उनका सबै फिल्मले १ सय करोडको बक्सअफिस आँकडा पार गर्छन् । उनको यही इतिहासलाई ख्याल गर्दै भारतीय फिल्म निर्माता संघले सलमानलाई पत्र लेखेको छ ।

सलमानसामु निर्माताको माग चाहिँ –उनको बहुप्रतीक्षित फिल्म ‘राधे’ आउँदो इदमा सिनेमा घरमा रिलिज हुनुपर्छ भन्ने हो । यसो गर्दा कोरोनाबाट थलिएको बलिउडले राहतको श्वास फेरोस् भन्ने हो । राधेले दर्शकलाई हलसम्म ल्याउन मद्दत गर्नेछ र निर्माताले सुखद कमब्याक गर्न सक्नेछन् भन्ने आशा उक्त पत्राचारबाट देखिन्छ ।

पत्रमा लेखिएको छ –‘तपाइँलाई अवगत नै छ कि सन् २०२० मा करोडौं भारतीय नागरिकसहित हामी निर्माताहरु पनि प्रभावित भयौं । पछिल्लो १० महिनामा सयौ सिंगल स्क्रिन र स्वतन्त्र फिल्म हल बन्द भैसकेका छन् । यसले गर्दा लाखौंको रोजिरोटी गुमेको छ जो प्रत्यक्ष वा अप्रत्यक्षरुपमा फिल्म उद्योगकै कर्मचारी थिए । दर्शक बिना शतप्रतिशत रुपमा हल चल्न असम्भव जस्तै छ । एक दशकदेखि फिल्मले दर्शकलाई हलसम्म लैजान महत्वपूर्ण भूमिका खेलेका छन् ।’

पत्रमा राधेले मात्र थलिएको बलिउड उद्योगलाई ब्युँताउन सक्ने लेखिएको छ । यस फिल्मलाई ठूलै स्केलमा रिलिज गर्ने हो भने हल, कर्मचारी र समग्र उद्योगलाई नै राहत पुग्ने भनिएको छ । सन् २०२१ को इद छेकोमा फिल्मलाई हलमा रिलिज गर्न भनिएको छ । ‘प्रदर्शकसहित तपाइँका करोडौं प्रशंसक अहिले पनि हलमा फिल्म लाग्ने अपेक्षा गरिरहेका छन्’ उल्लेख छ, ‘यो भन्दा राम्रो आइडिया अरु केही हुनैसक्दैन ।’

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ