नाइजरमा इस्लामी चरमपन्थीद्वारा ५६ नागरिकको हत्या – Nepal Press

नाइजरमा इस्लामी चरमपन्थीद्वारा ५६ नागरिकको हत्या

एजेन्सी । अफ्रिकी मुलुक नाइजरमा इस्लामी चरमपन्थीले मालीको सिमानानजिक एउटा गाउँमा आक्रमण गरी कम्तीमा ५६ जनाको हत्या गरेको छ । समाचारहरुमा जनाइएअनुसार अन्य २० जना गम्भीर घाइते छन् ।

टिल्लाबेरी इलाकाको चोमोबंगोउ नामको गाउँमा हमला भएको स्थानीय अधिकारीहरुलाई उद्धृत गरी बीबीसीले जनाएको छ । यो ठाउँमा सन् २०१७ देखि नै संकटकाल लागू गरिएको छ ।

पछिल्ला दिनहरुमा छिमेकी देश मालीबाट प्रवेश गर्ने इस्लामिक जिहादीहरुले यस गाउँलाई निशाना बनाउने गरेका छन् ।

समाचार संस्था एएफपीले स्थानीय अधिकारीलाई नै उद्धृत गरी आक्रमणमा कम्तीमा ७० जना गाउँलेको हत्या गरिएको जनाएको छ । उसका अनुसार जोरोमदारेय नामको अर्को गाउँमा पनि आक्रमण भएको छ जहाँ एक दर्जनभन्दा बढी मारिएका छन् ।

यस हमलाबारे नाइजर सरकारले अहिलेसम्म कुनै टिप्पणी गरेको छैन ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर