प्रचण्ड–माधवलाई ओलीको प्रश्न– नेकपा बरमझियाको पेडा पसल हो ? – Nepal Press

प्रचण्ड–माधवलाई ओलीको प्रश्न– नेकपा बरमझियाको पेडा पसल हो ?

काठमाडौं । प्रधानमन्त्री केपी शर्मा ओलीले नेकपाको आधिकारिकता आफूसँगै रहेको भन्दै प्रचण्ड–माधव नेपाल पक्ष असली हामी हौं भन्दै निर्वाचन आयोग गएकोमा व्यंग्य गरेका छन् ।

शनिबार काठमाडौं जिल्ला कमिटीले आयोजना गरेको भेलालाई सम्बोधन गर्दै ओलीले पेरिसडाँडा गएर असली नेकपा हामी हौं भन्दैमा असली नहुने बताए ।

ओलीले भने–हिजो निर्वाचन आयोगबाट पत्र प्राप्त गरेँ । उहाँहरुले निवेदन हाल्नुभएको रहेछ हामी सक्कली हो भनेर । बरमझियाको पेडा पसल हो र ? सक्कली र असली भन्नलाई ?

ओलीले जसको घर हो,जसको जमिन हो उसले आफ्नो हो भनेर कतै निवेदन हाल्दै नहिंड्ने बताए । ओलीले नेकपा दाबी गर्दै आफूहरु निवेदन हाल्न जानु नपर्ने बताए । ओलीे प्रचण्ड र माधव नेपाललाई नट बाेल्टकाे संज्ञा दिंदै नेकपारुपी गाडीबाट दुइटा नट बाेल्ट बाहिरिएपछि पार्टीले गति लिएको बताए ।

प्रतिक्रिया

Leave a Reply

Your email address will not be published.

सम्बन्धित खवर