न्यूरोडको सडकबाट छाता हटाउन थालियो – Nepal Press

न्यूरोडको सडकबाट छाता हटाउन थालियो

सामाजिक संजालमा भाइरल बनेको न्यूरोड–संकटा सडकमा राखिएका छाताहरु हटाउन शुरु गरिएको छ । ट्राफिक व्यवस्थापन अस्तव्यस्त बनेको र भीडभाडले कोरोना जोखिम बढेको भन्दै छाता हटाउने निर्णय स्थानीय व्यापारीले गरेका हुन् ।

नसोचेको रुपमा सडक भाइरल बनेपछि फोटो खिच्न र टिकटक बनाउनैका लागि पनि मान्छेहरु त्यहाँ पुगिरहेका थिए । भीड मात्र हुने तर व्यापार नहुने समस्या भएकाले हटाउने निर्णय गरिएको संकटा युवा क्लबले जनाएको छ । छाता हटाउने भन्दा पनि बन्द गर्ने निर्णय भएको जनाइएको छ ।

छाता राखेको सातामै संकटाको सडक इन्टरनेटमा भाइरल बनेको थियो । मुलुकका अन्य शहरमा समेत यो स्टाइललाई फलो गरिएको जनाइएको छ । छातालाई हटाउने कि बन्द गर्ने निर्णय गर्न क्लबको बैठक बसेको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर