मदन भण्डारी सम्झिदै बादलले भने–हामीसँग सही नीति र नेतृत्व छ – Nepal Press

मदन भण्डारी सम्झिदै बादलले भने–हामीसँग सही नीति र नेतृत्व छ

काठमाडौं । नेकपा विभाजनपछि मदन भण्डारीलाई सम्झिने र उनको विरासतको वास्तविक हकदार को भन्ने प्रतिस्पर्धा तत्कालिन एमालेहरुबीच चलिरहेका बेला तत्कालिन माओवादीका नेताहरु पनि मदन भण्डारीको योगदान सम्झिने प्रतिस्पर्धामा छन् ।

यसअघि प्रचण्डले पटक पटक मदन भण्डारीको प्रसंग भाषणमा ल्याउने गर्थे । तर शनिवार तत्कालिन माओवादी जनयुद्धका एक कमाण्डर रामवहादुर थापा बादलले पनि मदन भण्डारीलाई सम्झिए ।

ओली पक्षीय नेकपाले काठमाडौंको कमलादीमा आयोजना गरेको जिल्लास्तरीय कार्यकर्ता भेलालाई सम्बोधन गर्दै बादलले पार्टीलाई र देशलाई नेतृत्व दिन सही बिचार,सही नीति र सही कार्यक्रम चाहिन्छ भन्दै मदन भण्डारीलाई सम्झिएका हुन् ।

अधिकांश पूर्व एमालेको सहभागिता रहेको भेलालाई सम्बोधन गर्दै बादलले भने–कमरेड मदन भण्डारीले सही विचार,सही नीति र नेतृत्वको छनौटले सफलता निश्चित गर्छ भन्नुभएको थियो । यो कुनै कितावमा छैन,माक्र्सवादका ठेलीमा छैन ।

बादलले सम्बृद्ध नेपाल र सुखी नेपालीको आकांक्षा पूरा गर्न अहिले सही नीति र नेतृत्वमा सरकार अघि बढेका बेला नेकपाको एउटा गुट पार्टीबाट अलग भएको बताए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर