महानायकदेखि तन्नेरी सेलेव्रिटीसम्म : टोपी दिवसमा ग्लोबल ब्रान्डको सन्देश

अंग्रेजी नयाँवर्षको पहिलो दिनलाई टोपी दिवसको रुपमा सेलिव्रेट गर्ने अभियान सुरु भएको छ । सेलेव्रिटीदेखि सर्वसाधारणसम्मले नेपाली राष्ट्रिय प्रतीकको रुपमा रहेको टोपी पहिरिएर टाइमलाइनलाई सजाएका छन् ।

यस्तो लाग्छ, अंग्रेजी नयँवर्षको प्रभावमा राष्ट्रिय टोपी दिवसले मूर्तता पाउँदैछ र संस्कृतिको जगेर्ना गर्दैछ । महानायक राजेश हमालदेखि पछिल्लो छिमलका कलाकारले पनि टोपी लगाएरै टोपी दिवसको शुभकामना दिएका छन् ।

हुन त, सरकारलाई दबाब दिनको लागि टोपी दिवस मनाउन लागिएको हो । शुक्रबार माइतीघर मण्डलमा समेत युवाहरुको समूहले नेपाली पोशाकै कार्यक्रम आयोजना गरे । ट्वीटरमा समेत टोपी दिवसको ट्रेन्ड चल्यो । नेपाली फेसन डिजाइनर चाहिँ नेपाली टोपी ग्लोबल ब्रान्ड बन्नेतर्फ अग्रसर भएको बताउँछन् ।