चार्ल्स शोभराजसँग डेटिङ जान चाहन्छु : जेन्ना कोलम्यान – Nepal Press

चार्ल्स शोभराजसँग डेटिङ जान चाहन्छु : जेन्ना कोलम्यान

शोभराजको फिल्म आज प्रिमियर हुँदै

बीबीसी वानको बहुचर्चित टीभी सिरिज ‘द सर्पेन्ट’ शुक्रबार बेलुकादेखि वर्ल्ड प्रिमियर हुँदैछ । नेपाली केन्द्रिय कारागारमा रहेका ‘बिकनी किलर’ चाल्र्स शोभराजको जीवनमाथि बनेको सिरिजमा रहिम र जेन्न कोलम्यानको मुख्य भूमिका छ ।

नेपाल, भारत र थाइल्यान्डमा छायांकन भएको यो सिरिजले सन् १९७५ देखि १९७६ सम्मको शोभराजको जीवन घटनालाई चित्रण गर्छ । यो कालखण्डमा भएको शोभराजको अपराधी जीवनको उतारचढावलाई सिरिजमा समेटिएको छ ।

जेन्नाले यो फिल्ममा शोभराजकी तत्कालिन क्यानडियन प्रेमिकाको रुपमा आफूलाई चित्रण गरेकी छन् । शोभराजलाई बैंककमा भेटेपछि यी दुईको प्रेम र अपराधको संसारमा घुलमिल महत्वपूर्ण छ । सिरिज छायांकनलाई जेन्ना काठमाडौंसम्म आइपुगेर नेपाली कारागारमा जेल सजाय भोगिरहेका शोभराजलाई भेटेकी थिइन् ।

शोभराजकी प्रेमिकाको चरित्र चित्रणमा डुब्दा आफूलाई शोभराजलाई भेट्ने चाहना व्यक्त भएको उनले बताइन् । जुलाइ १९७६ मा दिल्लीमा फ्रान्सेली विद्यार्थीलाई लागुऔषध खुवाउँदै गर्दा प्रेमिका र शोभराज समातिए । त्यसपछि मिडियाको केन्द्रविन्दुमा यी दुईजना ग्लोबल सेलेव्रिटी बने ।

सन् १९८४ मा घाँटीको क्यान्सरबाट लीक्लर्कको निधन भयो । उनलाई त्यहाँ जीवनकैदको सजाइ दिइयो तर क्यान्सर लागेको पुष्टि भएपछि क्यानडा फर्कन अनुमति दिइयो । ३८ वर्षको उमेरमा लीक्लर्कको निधन भयो । जेन्नाका अनुसार शोभराज अहिले पनि यी प्रेमिकालाई हृदयबाट प्रेम गर्छन् । यो महसुस उनको चरित्र चित्रणमा डुब्दा आफूले गरेको र वास्तविक शोभराजसँग डेटिङ जान चाहेको उनले बताइन् ।

सन् २००३ मा नेपाल आएको बेला शोभराज पक्राउ परे र अहिले सुन्धारास्थित केन्द्रिय कारागारमा आजिवन कारावासको सजाय भोगिरहेका छन् । समस्याबाट भाग्न सक्ने खुबी भएकाले शोभराजलाई सर्पेन्ट (सर्प) भनिएको र सौन्दर्य एवं ग्ल्यामर अधिक भएको जेन्नाले सम्झिइन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ