‘सूर्य चिह्नबाट चुनाव लड्ने सहमति उल्ट्याएर प्रचण्डको खेल शुरु भएको थियो’ – Nepal Press

‘सूर्य चिह्नबाट चुनाव लड्ने सहमति उल्ट्याएर प्रचण्डको खेल शुरु भएको थियो’

काठमाडौं । प्रधानमन्त्री केपी शर्मा ओलीले प्रचण्डबाट सहमति तोड्ने सिलसिला सूर्य चिह्नबाट चुनाव लड्ने समझदारी दुई दिनभित्रै उल्ट्याएर तीन वर्षअघि नै शुरु गरेको आरोप लगाएका छन् ।

नयाँ वर्षको उपलक्ष्यमाा विभिन्न देशमा रहेका प्रवासी नेपालीहरुसँग भर्चुअल संवाद गर्दै प्रधानमन्त्रीले प्रचण्डबाट चुनाव अघिदेखि नै धोखा शुरु भएको र त्यो सिलसिला कायम राख्दै पार्टी एकता टुंगो नलाग्दै विभाजनमा संलग्न भएको दाबी गरे ।

ओलीले प्रवासी नेपालीसँग भने– त्यो बेला सूर्य चिह्नबाट चुनाव लड्ने सहमति दुई दिनमा उल्ट्याउँदा हाम्रो ११ लाख भोट बदर भयो । १४/१५ सिट गुम्यो । सहमति तोड्ने सिलसिला त्यहीँबाट शुरु भयो । प्रचण्डजीले फागुन ३ गते सरकार गठन हुँदा आफ्नातर्फबाट नाम दिनुभएन, किनकि उहाँ त्यतिबेला पनि अरुसँग मिलेर सरकार बनाउन खोज्दै हुनुहुन्थ्यो ।

ओलीले मंसिर १० र २१ मा भएको चुनावको परिणाम २४ गतेसम्म आइसक्दा पनि त्यसलाई तीन महिनासम्म रोक्ने काममा प्रचण्ड संलग्न रहेको आरोप लगाए ।

अनेक राजनीतिक शक्तिसँग मिलेर सरकार गठन गर्ने प्रयास सफल नभएपछिमात्र प्रचण्डले एकता गरेको ओलीले बताए ।

ओलीले बडो मुस्किलले पार्टी एकता गरे पनि प्रचण्डले सधैं बार्गेनिङ मात्र गरेको र तीन महिनाभित्र सम्पन्न गर्ने भनेको पार्टी एकीकरण तीन वर्षसम्म पनि हुन नदिएको आरोप प्रचण्डमाथि लगाए ।

प्रतिक्रिया

Leave a Reply

Your email address will not be published.

सम्बन्धित खवर