‘हामी नभएको भए नाकाबन्दीको डटेर सामना कसले गर्न सक्थ्यो ?’ – Nepal Press

‘हामी नभएको भए नाकाबन्दीको डटेर सामना कसले गर्न सक्थ्यो ?’

काठमाडौं । प्रधानमन्त्री केपी शर्मा ओलीले आफूले भारतीय नाकाबन्दीको सामना गरेको भन्दै त्यो ठाउँमा अरु भएको भए त्यो सम्भव नहुने बताएका छन्।

बुधबार राजधानीमा आयोजित आफू पक्षीय कार्यकर्ता भेलालाई सम्बोधन गर्दै ओलीले संविधान पनि आफैंले बनाएको बताए ।

‘हामी नभएको भए संविधान बन्दैनथ्याे’ उनको भनाइ थियो, ‘हामी नभएको भए नाकाबन्दीको डटेर सामना कसले गर्न सक्थ्यो ? कसैले पनि सक्दैनथ्याे।’

ओलीले आफ्नै कार्यकालमा चीनसँग पारवहन सम्झौता गर्न सम्भव भएको बताए । ‘इतिहासमा नेपाल यहीं थियो, चीन, भारत पनि त्यहीं थिए’ उनको भनाइ छ, ‘इतिहासमा चीनसँग किन पारवहन सम्झौता भएन ? हामीले नै त्यो काम गरेका हौं ।’

प्रतिक्रिया

Leave a Reply

Your email address will not be published.

सम्बन्धित खवर