गण्डकी प्रदेशका मुख्यमन्त्रीले प्रचण्ड–माधव पक्षका मन्त्री नहटाउने – Nepal Press

गण्डकी प्रदेशका मुख्यमन्त्रीले प्रचण्ड–माधव पक्षका मन्त्री नहटाउने

पोखरा। केन्द्रमा सत्तारुढ नेपाल कम्युनिष्ट पार्टीमा विभाजन आएपछि त्यसको असर प्रदेश सरकारमा पनि देखिएको छ । वागमती र प्रदेश नम्बर१ का मुख्यमन्त्रीविरुद्ध प्रचण्ड–माधव पक्षले अविश्वास प्रस्ताव पेस गरिसकेको छ । तर, गण्डकी प्रदेशमा बलिएका देखिएका मुख्यमन्त्री पृथ्वीसुब्बा गुरुङले प्रचण्ड–माधव समूहका मन्त्रीहरुलाई नहटाउने बताएका छन्।

पोखरामा जारी नेपाल लिटरेचर फेस्टिभलको एउटा सत्रमा बुधबार भाग लिंदै मन्त्री गुरुङले यस्तो बताएका हुन्। उनले भने, ‘उहाँहरुले आफैं राजीनामा दिए मेरो केही लाग्दैन तर मैले उहाँहरुलाई हटाउँदिनँ ।’

गुरुङले आफू अझैं पनि पार्टी एकताको पक्षमा रहेकाले प्रचण्ड–माधव पक्षका मन्त्रीहरुलाई नहटाएको दावी गरे।

६० सदस्यीय गण्डकी प्रदेशसभामा तत्कालीन एमालेले २८ र माओवादीले जितेका १२ गरी नेकपाको एक्लै ४० सिट थियो ।

तत्कालीन एमालेका २८ मध्ये २७ जना सांसद अहिले पनि केपी ओली पक्षमा छन् ।

प्रचण्ड–माधव नेपाल पक्षका १३ मध्ये सभामुख नेत्रराज अधिकारीबाहेक १२ जना सांसद मात्र रहेकाले चाहेर पनि अविश्वास प्रस्ताव दर्ता गर्न सक्दैनन् । उनीहरुलाई नेपाली कांग्रेसको साथ चाहिन्छ ।

प्रदेशसभामा ३ सांसद रहेको राष्ट्रिय जनमोर्चाले मुख्यमन्त्री पृथ्वीसुब्बा गुरुङलाई साथ दिनासाथ कांग्रेससँग मिलेर पनि प्रचण्ड–माधव पक्षले सरकार ढाल्न सक्दैन ।

त्यसैले अहिले अविश्वास प्रस्ताव ल्याउने तयारी नरहेको स्रोतले जनाएको छ। प्रदेशका गृहमन्त्री हरिवहादुर चुमान जो प्रचण्ड पक्षका हुन्, उनलेनै यही सरकार निरन्तर रहने बताएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ