काभ्रेमा ओली पक्षधर नेकपाको अध्यक्षमा अशोक ब्यान्जु चयन – Nepal Press

काभ्रेमा ओली पक्षधर नेकपाको अध्यक्षमा अशोक ब्यान्जु चयन

काठमाडौं । सत्तारुढ नेकपाले काभ्रे जिल्ला कमिटी पुनर्गठन गरेको छ । जिल्ला कमिटी अध्यक्ष रुकु चौलागाई र सचिव टोकवहादुर वाइबा प्रचण्ड–माधव नेपाल पक्षमा लागेपछि दुवैजनालाई पदबाट हटाएर नयाँ पदाधिकारी चयन गरेको छ ।

जिल्ला इन्चार्ज गोकुल बास्कोटाको उपस्थितिमा मंगलवार बसेको जिल्ला कमिटी बैठकले अध्यक्षमा धुलिखेल नगरपालिकाका मेयर अशोक ब्यान्जु चयन गरेको छ । सचिव नारायण पाण्डे बनेका छन् ।

उनी तत्कालिन एमालेको पनि जिल्ला सचिव थिए भने ब्यान्जु उपाध्यक्ष थिए । जिल्ला कमिटी बैठकलाई सम्बोधन गर्दै नेता बास्कोटाले सूर्य चिन्ह र पार्टीको आधिकारिकता आफूहरुले पाउनेमा ढुक्क हुन भन्दै कार्यकर्तालाई चुनावको तयारीमा लाग्न निर्देशन दिए ।

प्रतिक्रिया

Leave a Reply

Your email address will not be published.

सम्बन्धित खवर