ईश्वर पोखरेल भन्छन्ः प्रचण्ड र माधवले भाग मात्रै खोजे, कहिल्यै विकासको कुरा गरेनन् – Nepal Press

ईश्वर पोखरेल भन्छन्ः प्रचण्ड र माधवले भाग मात्रै खोजे, कहिल्यै विकासको कुरा गरेनन्

काठमाडौं । ओली पक्षीय नेकपाका नेता ईश्वर पोखरेलले पुष्पकमल दाहाल र माधवकुमार नेपालको चरम महत्वाकांक्षाका कारण पार्टी दुर्घटनामा परेको बताएका छन् । सिन्धुपाल्चोकको ओली पक्षीय युवा संघ र अखिलले काठमाडौंमा आयोजना गरेको भेलालाई सम्बोधन गर्दै नेता पोखरेलले प्रचण्ड र नेपालले सधैं भाग मात्रै खोजेको र विकासबारे कहिल्यै चासो नदिएको आरोप लगाए ।

‘देश कोभिडको महामारीमा छ, विकास निर्माणबारे धेरै प्रयत्न भइरहेको छ’ उनले भने, ‘तर उहाँहरु भाग खोज्ने मात्रै कुरा गर्नुहुन्छ । आफ्नै पार्टीको प्रधानमन्त्रीलाई घेराबन्दीमा पारेर उहाँहरुले नाजायज फाइदा लिन खोज्नुभयो । नसकेपछि पार्टी नै अलग्याउने हर्कत गरिरहनुभएको छ ।’

सधैं खटपट सहनु भन्दा अलग बाटो लाग्नु नै उत्तम भएको भन्दै उनले भने– निर्वाचित सरकारलाई चल्नै नदिने स्थिति भएपछि ताजा जनादेशमा जान संसद विघटन गरिएको हो । यो स्वाभाविक राजनीतिक प्रक्रिया हो । यो अन्तर्राष्ट्रिय अभ्यास पनि हो ।

प्रतिक्रिया

Leave a Reply

Your email address will not be published.

सम्बन्धित खवर