ओली–प्रचण्ड नेतृत्वको नेकपाविरुद्ध परेको मुद्दाको सुनुवाइ स्थगित – Nepal Press

ओली–प्रचण्ड नेतृत्वको नेकपाविरुद्ध परेको मुद्दाको सुनुवाइ स्थगित

काठमाडौं । सत्तारुढ नेकपाका दुवै समूहले आधिकारिकता दावी गरिरहेका बेला सिंगो नेकपाको आधिकारिकतामाथि प्रश्न उठाउँदै परेको मुद्दा आज सर्बोच्च अदालतमा पेशी चढेर पनि शुरुमै स्थगित भएको छ ।

पटक-पटक सर्दै आएको सो मद्दाको पेशी आज न्यायाधीश ईश्वरप्रसाद खतिवडा र कुमार रेग्मीको इजलासको पेशीमा एक नम्बरमा थियो । तर सर्बोच्चको पेशी सूचीमा सो मुद्दालाई स्थगित राखेर दोस्रो मुद्दामा सुनुवाई भइरहेको जनाइएको छ ।

नेकपाका अध्यक्ष ऋषि कट्टेलले आफ्नो पार्टी निर्वाचन आयोगमा दर्ता भएको आधिकारिक पार्टी भन्दै केपी ओली र प्रचण्ड नेतृत्वको नेपाल कम्युनिस्ट पार्टी (नेकपा)को दर्ता खारेजी माग गर्दै रिट दायर गरेका थिए । मुद्दा पक्षको कानुन व्यवसायीको तर्फबाट स्थगन भएको अदालतले जनाएको छ ।

तत्कालिन नेकपा एमाले र माओवादी केन्द्रबीच एकीकरण भएर नेकपा बनेपछि आफ्नो पार्टीको नाम दावी गर्दै ऋषि कट्टेलले निर्वाचन आयोगमा उजुरी दिएका थिए । आयोगले ओली-प्रचण्ड नेतृत्वको नेकपालाई मान्यता दिएपछि उनी २०७५ मंसिरमा सर्बोच्च अदालत गएका थिए । कट्टेलको दावीपछि ओली-प्रचण्ड नेतृत्वको नेकपाले ब्राकेटमा नेकपा थपेको थियो ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर