दोस्रो टेष्टमा भारत ८ विकेटले विजयी, शृंखला १-१ को बराबरीमा – Nepal Press

दोस्रो टेष्टमा भारत ८ विकेटले विजयी, शृंखला १-१ को बराबरीमा

एजेन्सी । विश्व टेष्ट च्याम्पियनसिप अन्तर्गत अस्ट्रेलियाबिरुद्धको दोस्रो टेष्टमा भारतले ८ विकेटको जित हासिल गरेको छ ।

पहिलो टेष्टमा अस्ट्रेलिया ८ विकेटले विजयी भएको थियो । चार टेष्टको शृंखला १–१ को बराबरीमा पुगेको छ ।

मेलवर्न क्रिकेट मैदानमा दोस्रो पारीमा १३३/६ को स्थितिबाट चौथो दिनको सुरुआत गरेको अस्ट्रेलियाले लन्चअगाडि अलआउट हुनुअघि ६७ रन थप्यो । र, भारतले ७० रनको विजय लक्ष्य पायो ।

भारतका कप्तान अजिंक्या रहने २७ र ओपनर डेब्यू ब्याट्सम्यान शुभमन गिलले ३५ रनको अविजित पारी खेल्दै टिमलाई जित दिलाए । अर्का ओपनर मयांक अग्रवाल ५ र चेतेश्वर पुजारा ३ रनमै आउट भएका थिए ।

यसअघि टस जितेर पहिले ब्याटिङ गरेको अस्ट्रेलिया पहिलो पारीमा १ सय ९५ रनमा समेटिएको थियो । जवाफमा कप्तान अजिंक्या रहनेको शतकीय योगदानमा भारतले ३ सय २६ रन बनाएर १ सय ३१ रनको अग्रता बनाएको थियो ।

तेस्रो टेष्ट सिड्नीमा जनवरी ७ देखि सुरु हुनेछ ।

प्रतिक्रिया

Leave a Reply

Your email address will not be published.