कार्यकर्तालाई देउवाको निर्देशन–दुई गजको दूरीमा बस्नू, भ्याक्सिन नआउन्जेल जोगिनू (भिडियो) – Nepal Press

कार्यकर्तालाई देउवाको निर्देशन–दुई गजको दूरीमा बस्नू, भ्याक्सिन नआउन्जेल जोगिनू (भिडियो)

काठमाडौं । पुसको चिसाेमा देशको राजनीति एकाएक तातिएका बेला राजनीतिक दलका नेता कार्यकर्ताले कोरोना महामारी पनि छ भन्ने बिर्सेजस्तो लाग्छ । प्रतिनिधिसभा विघटनपछि दलहरुले दिनहुँ जुलुस प्रदर्शन गरिरहेका छन् । कोभिडप्रतिको सचेतना पटक्कै देखिंदैन । तर नेपाली कांग्रेसका सभापति शेरबहादुर देउवा भने कोभिडको महामारीप्रति सचेत देखिएका छन् ।

मन्चमा उभिएर चर्को भाषण गर्ने नेताहरुले कहिल्यै कोभिडबाट जोगिन जनता कार्यकर्तालाई सचेत गराएको सुनिंदैन । त्यसविपरीत देउवाले भने सोमबार भक्तपुरमा आयोजित कार्यक्रममा मन्चबाटै आफ्ना कार्यकर्तालाई दूरी कायम गरेर बस्न निर्देशन दिए । देउवाले महामारीको बेला पनि सडक आन्दोलनमा आउनु बाध्यता भएको सुनाउँदै महामारीबाट जोगिएर मात्र प्रदर्शनमा सहभागी हुन कार्यकर्तालाई आग्रह गरे ।

देउवाले भने– यस्तो महामारीको बेला छ, टाढा टाढा बस्नुहोला, दुई गजको दूरी कायम राखनुहोला । त्यसो भयो भने महामारीबाट बँच्न सकिन्छ । अहिलेसम्म भ्याक्सिन आइसकेको छैन । कोही ६ महिनाभित्र आउला भन्छन् । तर नेपालसम्म आउँदा एक वर्ष लाग्न सक्छ । भ्याक्सिन नआउन्जेल दूरी कायम राख्नुपर्छ ।

देउवाले कोभिड महामारीबाट जोगिएर दूरी कायम गर्दै प्रदर्शन र सभामा भाग लिन आफ्ना कार्यकर्तालाई आग्रह गरे ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ