हलिउड बक्सअफिसमा ‘वन्डर वुमन’को उछाल, नेपाल रिलिजमा निर्णय आउन बाँकी – Nepal Press

हलिउड बक्सअफिसमा ‘वन्डर वुमन’को उछाल, नेपाल रिलिजमा निर्णय आउन बाँकी

सन् २०१७ को ब्लकबस्टर फिल्म ‘वन्डर वुमन’ले हलिउड बक्सअफिसमा उत्साहजनक व्यापार गरेको छ । भेराइटी म्यागजिनका अनुसार ‘वन्डर वुमन १९८४’ले महामारीको मध्यमा पनि सबैलाई ‘छक्क पार्ने’ खालको व्यापार गरेको हो ।

भेराइटी लेख्छ : कोरोनाभाइरस युगमा पनि वन्डर वुमन १९८४ ले पहिलो सप्ताहन्तमा गरेको १६.७ मिलियन डलर सबैलाई छक्क पार्ने खालको छ ।’ अमेरिका र क्यानडाका २ हजार हलमा रिलिज भएसँगै वार्नर ब्रोजको यो फिल्म एचबीओ म्याक्समा समेत रिलिज भएको थियो ।

वार्नर ब्रोजका अनुसार एकैसाथ ओटीटी र हलमा रिलिज गर्दा दर्शकको संख्या गजबले विस्तार भैरहेको छ । क्रिसमसको दिनमा मात्रै यस फिल्मलाई कूल दर्शकको आधाले हेरेका थिए । अघिल्लो महिनाको तुलनामा २५ डिसेम्बरमा तीन गुणा बढी दर्शकले हेरेका थिए ।

सन् २०१७ मा उत्तर अमेरिकाको ४ हजार हलमा रिलिज भएको वन्डर वुमनले बक्सअफिसमा १ सय मिलियन डलरभन्दा बढी व्यापार गरेको थियो । क्रिस्टोफर नोलनको टेनेटले सेप्टेम्बरको पहिलो सप्ताहन्त २०.२ मिलियन डलर आम्दानी गरेको थियो ।

वन्डर वुमन १९८४ ले क्रिसमसको दिनमा अन्तराष्ट्रिय बजारमा ३६.१ मिलियन कमाउँदै कूल कमाइ ८५ मिलियन डलर कमायो । नेपालमा यसको रिलिज निश्चित भैसकेको छैन यद्यपी, वितरकहरुले हुन सक्ने सम्भावनालाई नकारेका छैनन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर