नेफ्टा फिल्म अवार्ड फागुनमा, २०७५ सालका फिल्मले प्रतिस्पर्धा गर्ने – Nepal Press

नेफ्टा फिल्म अवार्ड फागुनमा, २०७५ सालका फिल्मले प्रतिस्पर्धा गर्ने

कोरोनाभाइरस महामारीले रोकिएको नेफ्टा अवार्ड फागुन अन्तिम साता काठमाडौंमा भौतिकरुपमा आयोजना हुने भएको छ । चलचित्र प्राविधिक संघ (नेफ्टा)ले वक्तव्य जारी गर्दै कोभिड–१९ प्रोटोकल पालना गर्दै अवार्ड गर्न लागेको जनाएको हो ।

२०७५ सालका फिल्ममध्येबाट आगामी माघ १० गते मनोनयन घोषणा गरिने भएको छ । नौ महिनादेखि ठप्प रहेको फिल्म क्षेत्रलाई चलायमान बनाउन अवार्ड कोशेढुंगा हुने नेफ्टा अध्यक्ष पुष्कर लामाले बताए । उनका अनुसार काठमाडौंको टुँडिखेलमा अवार्ड कार्यक्रम हुनेछ ।

नेफ्टाले यसअघिका अवार्ड चाहिँ विदेशमा गरेको थियो । उत्कृष्ट पाँच घोषणा गरेको दिनमा अवार्डको आधिकारिक मिति सार्वजनिक गरिने भएको छ । नेफ्टा र ड्रीम हाइ नेपाल मिलेर अवार्ड गर्न लागेका हुन् । गत वर्ष चैत २२ गते गर्ने भनिएको अवार्ड भाइरस महामारीले स्थगित भएको थियो । लकडाउनपछि अवार्ड घोषणा गर्ने नेफ्टा पहिलो आयोजक हो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर