बाबुरामले भने– अदालतले संसद पुनःस्थापना गर्छ भनेर ढुक्क नबनौं – Nepal Press

बाबुरामले भने– अदालतले संसद पुनःस्थापना गर्छ भनेर ढुक्क नबनौं

काठमाडौं । पूर्व प्रधानमन्त्री तथा जनता समाजवादी पार्टीका नेता डा.बाबुराम भट्टराईले सर्वोच्च अदालतबाट प्रतिनिधिसभा पुनःस्थापना हुन्छ भन्नेमा आफू ढुक्क हुन नसकेको बताएका छन् ।

राजधानीमा आज आयोजित विरोध प्रदर्शनलाई शान्तिवाटिकामा सम्बोधन गर्दै डा. भट्टराईले सभामुखले नै प्रतिनिधिसभा बैठक बोलाएर विघटनलाई अमान्य घोषणा गर्नु राजनीतिक निर्णय हुने बताए ।

भट्टराईले भने– अदालतबाट आशा त गरौं तर भर नपरौं । अदालत सार तत्वमा जाँदैन, उसले विधि र प्रमाण खोज्छ । त्यसैले म कांग्रेसलगायतका साथीहरुलाई आग्रह गर्न चाहन्छु न्यायालयबाट आशा गरौं तर ढुक्क नबनौं ।

डा. भट्टराईले सभामुखले संसद बैठक राख्ने र अत्यधिक बहुमत सांसद सहभागी भएर जनतामा निहित सार्वभौमसत्ता प्रयोग गर्नुपर्ने बताए । उनले सांसदले नै यसको फैसला गर्नुपर्ने धारणा राखे ।

प्रधानमन्त्री केपी शर्मा ओलीविरुद्ध कडा रुपमाा प्रस्तुत भएका भट्टराईले प्रधानमन्त्री ओलीलाई फाल्न सबै पार्टीको संयुक्त जनआन्दोलन गर्नसमेत प्रस्ताव राखेका छन् । उनले ओलीले चुनाव गराउने भ्रममा नबस्न समेत आग्रह गरे ।

प्रतिक्रिया

Leave a Reply

Your email address will not be published.

सम्बन्धित खवर