मिस नेपालले शुरु गरिन् चकलेट व्यापार, पुष्टकारी र गुँदपाकलाई प्रवर्द्धन गर्ने – Nepal Press

मिस नेपालले शुरु गरिन् चकलेट व्यापार, पुष्टकारी र गुँदपाकलाई प्रवर्द्धन गर्ने

यो महामारीको समय कतिपय सेलेव्रिटीका लागि भविष्यको लागि एउटा अवसर पनि बन्यो । जस्तै हेरौं न पूर्वमिस नेपाल अनुष्का श्रेष्ठलाई । यी डिभाले शहरमा चकलेट व्यापारको नयाँ व्यवसाय शुरु गरेकी छन् ।

उनले स्थापना गरेको ब्रान्ड माक्कुसेले पुष्टकारी र गुँदपाकको व्यापार गर्छ । यसलाई अन्तर्राष्ट्रिय रुपमै बजार विस्तार गर्ने सोचमा छिन् अनुष्का । मिस नेपालको एकवर्षे कार्यकाल सकिएको दुई साताभित्रै अनुष्काले उद्यमशीलता थालेकी हुन् ।

सन् २०१९ की मिस नेपाल वर्ल्ड अनुष्का अन्तर्राष्ट्रिय प्रतिस्पर्धाको लागि विदेशमा जाँदा उनमा चलकेट व्यापारसम्बन्धी आइडिया फुरेको हो । उनलाई लाग्यो, नेपालको मौलिक ब्रान्ड कुकिज, पुष्टकारी र गुँदपाकलाई ‘लक्जरी स्वीट’मार्फत विदेशमा प्रवर्द्धन गर्न सकिन्छ ।

अष्ट्रेलियाको एउटा बैंककी जागिरे अनुष्का मिस नेपाल प्रतिस्पर्धामा भाग लिन नेपाल आएकी थिइन् । नेपालमै केही गर्ने उनको सोचलाई मिस नेपालले आकार दियो । नेवारी भाषामा माक्कुसेको अर्थ खानाको स्वाद भन्ने हुन्छ । काभ्रेबाट ल्याइएको दूधबाट बनाइएको रसायनविहीन चकलेट हुन् यी ।

राजधानीको ठूलोभर्‍याङमा कारखाना रहेको माक्कुसे २५ लाख लगानीमा खुलेको हो । मिस नेपाल जितेर आइसकेपछि पनि अनुष्काले नेपाल प्रेससँग कुरा गर्दै उद्यमशीलताको थालनी गर्नु आफ्नो उद्देश्य रहेको बताउँदै आएकी थिइन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर