प्रचण्ड–माधव पक्षीय नेकपाको प्रदर्शन निर्वाचन आयोगतिर – Nepal Press

प्रचण्ड–माधव पक्षीय नेकपाको प्रदर्शन निर्वाचन आयोगतिर

काठमाडौं । आफूहरु नै आधिकारिक भएको दाबी गर्दै माइतीघरमण्डलमा प्रदर्शन गरेका प्रचण्ड–माधव पक्षीय नेकपाका सांसद तथा केन्द्रीय सदस्यहरु निर्वाचन आयोगतिर लागेका छन् ।

शुक्रबार बिहान साढे नौ बजे माइतीघरमण्डलमा नेकपाका अध्यक्षद्वय पुष्पकमल दाहाल ‘प्रचण्ड’, माधवकुमार नेपाल लगायतका नेताहरु उपस्थित थिए।

बिहीबार सकिएको केन्द्रीय कमिटी बैठकको निर्णय अनुसार पार्टीका केन्द्रीय सदस्य र पार्टीको तर्फबाट विघटित संसदमा रहेका सांसदहरुको उपस्थितिमा १२ बजे निर्वाचन आयोगमा विशेष कार्यक्रम गर्न उनीहरु त्यता प्रस्थान गरेका हुन्।

पार्टीका केन्द्रीय सदस्य र सांसदहरुको उपस्थितिमा गरिने कार्यक्रमको अर्थ पार्टीमा आफूहरु नै आधिकारिक रहेको र प्रतिनिधिसभा विघटित नरहेको सन्देश दिनु रहेको एक नेताले बताए।

प्रतिक्रिया

Leave a Reply

Your email address will not be published.

सम्बन्धित खवर