सभामुखलाई भेटेर जसपाका नेताले भने–संसद बैठक बोलाउनुस्
२०७७ पुष ९ गते १३:०३
काठमाडौं । जनता समाजवादी पार्टीका नेताहरुले सभामुख अग्निप्रसाद सापकोटालाई भेटेर विशेष अधिकार प्रयोग गरि प्रतिनिधिसभाको बैठक आह्वान गर्न आग्रह गरेका छन् ।
आज संसद सचिवालयमा गएर जसपका नेताहरु डा.बाबुराम भट्टराई,उपेन्द्र यादव र लक्ष्मणलाल कर्णले सभामुखलाई बैठक बोलाउन माग गरेका हुन् ।
जसपा नेताहरुले प्रधानमन्त्रीलाई प्रतिनिधिसभा विघटन गर्ने अधिकार संविधानले नदिएकाले संसद जीवितै रहेको बताएका थिए ।
सभामुखले दलहरुसँगको छलफलका आधारमा आफूले कदम चाल्ने बताएका छन् ।
सभामुख सापकोटाले बुधवार साँझ प्रेस वक्तव्यमार्फत प्रतिनिधिसभा जीवितै रहेको आशय व्यक्त गर्दै दलहरुसँग छलफल गरेर अघि बढ्ने बताएका थिए ।
प्रकाशित: २०७७ पुष ९ गते १३:०३
प्रतिक्रिया
सम्बन्धित खवर
