नेकपाको आधिकारिकता दाबी गर्दै प्रचण्ड–माधव पक्ष निर्वाचन आयोगमा – Nepal Press

नेकपाको आधिकारिकता दाबी गर्दै प्रचण्ड–माधव पक्ष निर्वाचन आयोगमा

काठमाडौं । नेकपाको आधिकारिकता दाबी गर्दै प्रचण्ड र माधव नेपाल पक्ष बहुमत केन्द्रीय सदस्यको हस्ताक्षरसहित निर्वाचन आयोगमा पुगेको छ ।

मंगलबार कार्की पार्टी प्यालेसमा बसेको केन्द्रीय कमिटी बैठकको निर्णय लिएर आफू निर्वाचन आयोगमा दलको आधिकारिकताका लागि पुगेकाे नेकपा नेता लीलामणि पोखरेलले नेपाल प्रेसलाई बताए ।

यसअघि सोमबार पोखरेल नै आयोगमा पुगेर अध्यक्ष केपी ओलीमाथि अनुशासनको कारबाही गर्ने निर्णय भएको पत्र बुझाएका थिए । नेकपाको केपी ओली पक्षले मंगलबारै केन्द्रीय कमिटी पुनर्गठन र विधान संशोधनको निर्णय आयोगमा बुझाएर अ‍ोली नेतृत्वको नेकपा नै आधिकारिक रहेको बताएको थियो ।

अब दुवै पक्षले मूल पार्टी दाबी गरेपछि यसको छिनोफानो आयोगले गर्नुपर्ने भएको छ ।

प्रतिक्रिया

Leave a Reply

Your email address will not be published.