माधव नेपालले भने– कुनै समूहले पार्टी नामबाट गर्ने निर्णय वैधानिक हुँदैन
नेपाल प्रेस
२०७७ पुष ७ गते १४:३२
काठमाडौं । आफू पक्षधर केन्द्रीय कमिटी बैठकलाई सम्बोधन गर्दै वरिष्ठ नेता माधवकुमार नेपालले कुनै समूहले पार्टीको नामबाट गरेका निर्णय वैधानिक नहुने बताएका छन् ।
ओली नेतृत्वको नेकपा केन्द्रीय कमिटी बैठक र निर्वाचन आयोगलाई केन्द्रीय कमिटी पुनर्गठनबारे जानकारी दिएको विषयलाई लक्षित गर्दै नेता नेपालले भने, ‘पहिलो अध्यक्ष हुँ, मेरै निर्णय आधिकारिक हुन्छ भन्ने कसैले नसोचे हुन्छ ।’
‘सचिवालय बैठक बस्न हामीले धेरै पापड बेल्नुपर्यो’ उनले भने, ‘हाम्रो चाहना आज पनि धुम्बाराहीमा बैठक बस्ने थियो, तर विभिन्न कारणले सकेनौं ।’ उक्त समूहको बैठक बबरमहलस्थित एक पार्टी प्यालेसमा बसेको छ ।
अध्यक्ष ओलीबाट आफूहरु पटक–पटक अपमानित भएको पनि उनले बैठकमा बताए ।
नेपाल प्रेस
प्रकाशित: २०७७ पुष ७ गते १४:३२
प्रतिक्रिया
सम्बन्धित खवर
