सोमबार थपिए ७४२ संक्रमित, सातको मृत्यु – Nepal Press

सोमबार थपिए ७४२ संक्रमित, सातको मृत्यु

काठमाडौं । नेपालमा पछिल्लो २४ घण्टामा थप ७४२ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार सोमबार ६३५१ नमुनाको पीसीआर परीक्षण गर्दा ७४२ जनामा कोरोना संक्रमण पुष्टि भएको हो ।
योसँगै हालसम्म देशभर कोरोना संक्रमितको सङ्ख्या २ लाख ५४ हजार ५१४ पुगेको छ । नेपालमा हाल संक्रिय संक्रमित ७ हजार ९७६ जना छन् ।

यस्तै आज एक हजार ७९जना कोरोनामुक्त भएर घर फर्केका छन् । साथै, कोरोनामुक्त हुनेको संख्या हालसम्म २ लाख ४४ हजार ७४३ पुगेको छ ।

यसैगरी कोरोना भाइरसको संक्रमणबाट ७ जनाको मृत्यु भएसँगै हालसम्म मृत्यु हुनेको सङ्ख्या १७९५ पुगेको छ ।

प्रतिक्रिया

Leave a Reply

Your email address will not be published.