बृहस्पति र शनि ८०० वर्षपछि आज राति नजिक देखिंदै – Nepal Press

बृहस्पति र शनि ८०० वर्षपछि आज राति नजिक देखिंदै

काठमाडौं । जाडोयाममा दिन छोटा र रात लामा हुन्छन् । अंग्रेजी क्यालेन्डरको अन्तिम महिनाको २१ तारिख अर्थात् डिसेम्बर २१ को रात वर्षकै सबैभन्दा लामो हुन्छ । र, यो दिन विश्वभरका खगोल वैज्ञानिकको नजर आकाशतिरै केन्द्रित हुन्छ ।

यसै क्रममा आज (सोमबार) राति आकाशमा एक अनौठो घटना पनि हुँदैछ, जसमा सौर्यमण्डलका दुई ठूला ग्रह बृहस्पति र शनिको दुर्लभ मिलनको घटना लभग ८०० सालपछि हुन गइरहेको छ ।

खगोल वैज्ञानिकले भनेका छन्- अन्तरिक्षमा बृहस्पति र शनि वास्तवमा करोडौं किलोमिटर टाढा हुनेछन् । तर पृथ्वीबाट हेर्दा यी दुई ग्रह एकदमै नजिकै देखिने छन् । दुवै ग्रहको मिलनलाई महा-संयोजन (ग्रेट कन्जक्सन) भनिएको छ ।

यसअघि सन् १६२३ मा पनि यी दुई ग्रहहरू नजिकिएका थिए । तर, आज रातमा नजिक भने यी ग्रहहरू ८०० वर्षपछि देखिने भएका हुन्।

प्रतिक्रिया

Leave a Reply

Your email address will not be published. Required fields are marked *

नेपाल अपडेट ट्रेन्डिङ