ओली र प्रचण्ड भेटपछि संवैधानिक परिषद् बैठक स्थगित – Nepal Press

ओली र प्रचण्ड भेटपछि संवैधानिक परिषद् बैठक स्थगित

काठमाडौं । संवैधानिक परिषद्को आजको बैठक स्थगित भएको छ ।

प्रधानमन्त्री एवं नेकपा अध्यक्ष केपी शर्मा ओली र नेकपाका अर्का अध्यक्ष पुष्पकमल दाहालबीच बालुवाटारमा भएको छलफलपछि बैठक स्थगित गरिएको हो ।

दुई अध्यक्षबीचको सहमति अनुसार अध्यादेश फिर्ता लिन मन्त्रिपरिषद् बैठक बोलाइएपनि त्यसअघि नै संवैधानिक परिषद्को बैठक आह्वान गरिएको थियो ।

अध्यादेश फिर्ता नगरी परिषद् बैठक बोलाइएपछि नेकपा अध्यक्ष दाहाल प्रधानमन्त्री ओलीसंग छलफल गर्न बालुवाटार पुगेका थिए ।

दुवै अध्यक्षको छलफलपछि बैठक स्थगित गरिएको बालुवाटार स्रोतले जनाएको छ ।

आज बोलाइएको बैठकमा प्रतिपक्षी दलका नेता शेरबहादुर देउवा नजाने निश्चित थियो भने सभामुख अग्नि सापकोटाले बैठकबारे जानकारी नभएको बताएका थिए ।

प्रतिक्रिया

Leave a Reply

Your email address will not be published.

सम्बन्धित खवर